നാഗചൈതന്യ-ശോഭിത കല്യാണ തീയതി പുറത്ത് ; വേദി ഹൈദരാബാദില്‍

ചെന്നൈ : തെന്നിന്ത്യൻ സിനിമാലോകം ഉറ്റുനോക്കുന്ന താരവിവാഹങ്ങളിൽ ഒന്നാണ് ശോഭിത ധൂലിപാല-നാഗ ചൈതന്യ വിവാഹം.ഇപ്പോൾ വിവാഹത്തിന്റ തീയതി പുറത്ത് വന്നിരിക്കുകയാണ്.

ഡിസംബര്‍ നാലിനാണ് വിവാഹം.ഹൈദരാബാദിലെ അന്നപൂര്‍ണ സ്റ്റുഡിയോയായിരിക്കും വിവാഹവേദി.ആരാധകരെ ഞെട്ടിച്ചു കൊണ്ടായിരുന്നു ഇരുവരുടെയും വിവാഹനിശ്ചയ ചിത്രങ്ങള്‍ പുറത്തുവന്നത്. ഓഗസ്റ്റില്‍ ആയിരുന്നു വിവാഹനിശ്ചയം നടന്നത്.

അക്കിനേനി കുടുംബവുമായി ഏറെ വൈകാരിക ബന്ധമുള്ള സ്റ്റുഡിയോയാണ് അന്നപൂര്‍ണ. അതുകൊണ്ടുതന്നെ തന്റെ വിവാഹ ജീവിതം ഇവിടെനിന്ന് തുടങ്ങണമെന്ന് നാഗചൈതന്യ ആവശ്യപ്പെട്ടുവെന്നാണ് റിപോർട്ടുകൾ.

അതേസമയം, നടി സാമന്തയായിരുന്നു നാഗചൈതന്യയുടെ ആദ്യ ഭാര്യ. 2017ല്‍ വിവാഹിതരായ ഇവര്‍ 2021 ഒക്ടോബറിലാണ് വേര്‍പിരിയല്‍ പ്രഖ്യാപിച്ചത്.