തിരൂരിൽ ഡെപ്യൂട്ടി തഹസിൽദാരെ കാണാതായ സംഭവത്തിൽ മൂന്ന് പേർ പിടിയിൽ

മലപ്പുറം: തിരൂരിൽ ഡെപ്യൂട്ടി തഹസിൽദാരെ കാണാതായ സംഭവത്തിൽ രണ്ടത്താണി സ്വദേശികളായ ഫൈസൽ, ഷഫീഖ്, വെട്ടിച്ചിറ സ്വദേശി അജ്‌മൽ എന്നിവരാണ് അറസ്റ്റിലായത്.വ്യാജ പോക്സോ കേസിൽ പെടുത്തി കുടുംബം നശിപ്പിക്കുമെന്ന് പ്രതികൾ ഡെപ്യൂട്ടി തഹസിൽദാരെ ഭീഷണിപ്പെടുത്തിയിരുന്നു. പത്ത് ലക്ഷം രൂപയോളം ഭീഷണിപ്പെടുത്തി തട്ടിയെടുത്തെന്നാണ് റിപ്പോർട്ട്.മാനസിക സമ്മർദ്ദം മൂലമാണ് ഡെപ്യൂട്ടി തഹസിൽദാർ പി.ബി. ചാലിബിനെ കാണാതായതെന്ന് കണ്ടെത്തിയിരുന്നു. ബുധനാഴ്‌ച മുതലാണ് അദ്ദേഹത്തെ കാണാതായത്. വെള്ളിയാഴ്ച രാത്രി 12 മണിയോടെ അദ്ദേഹം വീട്ടിലേക്ക് തിരികെയെത്തി.