കോഴിക്കോട് ട്രെയിനിൽനിന്ന് വീണു യുവതി മരിച്ചു

കോഴിക്കോട്: പയ്യോളി മൂരാട് റെയിൽവേ ഗേറ്റിന് സമീപം ട്രെയിനിൽനിന്ന് വീണ് മലപ്പുറം ചേലമ്പ്ര മാമ്പഴക്കാട്ട് പുറായി സുബ്രഹ്മണ്യൻ്റെ മകൾ ജിൻസി (26) മരിച്ചു. ഇന്നു രാവിലെ ആറു മണിയോടെയാണ് അപകടമുണ്ടായത്. മാതാപിതാക്കൾക്കൊപ്പം കണ്ണൂരിൽനിന്ന് ആലപ്പുഴയിലേക്കു പോകുകയായിരുന്ന എക്‌സിക്യൂട്ടീവ് എക്സ്പ്രസിൽ യാത്ര ചെയ്യവേ ജിൻസി വാതിലിനു സമീപം നിൽക്കുമ്പോൾ പുറത്തേക്ക് വീഴുകയായിരുന്നു. അമ്മ ഗിരിജ. സഹോദരി ലിൻസി.