സന്ദീപ് വാര്യരോട് വെറുപ്പില്ല, നല്ല വ്യക്തിയെന്ന് എ.കെ ബാലന്‍

പാലക്കാട്: ബി.ജെ.പി സംസ്ഥാന സമിതിയംഗം സന്ദീപ് വാര്യര്‍ പാര്‍ട്ടി വിടുന്നുവെന്ന പ്രചാരണം ശക്തമാവുമ്പോള്‍ പ്രതികരണവുമായി സി.പി.എം കേന്ദ്രകമ്മിറ്റിയംഗം എ.കെ ബാലന്‍. സന്ദീപ് വാര്യർ ഞങ്ങളെ നല്ല രീതിയില്‍ വിമര്‍ശിക്കുന്ന ഒരു വ്യക്തിയാണ്. എങ്കിലും അദ്ദേഹത്തോട് ഒരു വെറുപ്പും ഞങ്ങൾക്കില്ല.

ഒരു വ്യക്തിയെന്ന നിലയില്‍ പെരുമാറാനും സംസാരിക്കാനുമൊക്കെ പറ്റുന്ന ആളാണ് സന്ദീപ്. മറ്റ് കാര്യങ്ങള്‍ അറിയില്ല. എന്നാല്‍, ബി.ജെ.പി ആഭ്യന്തര കലഹം കൊണ്ട് പൊട്ടിപ്പൊളിയുകയാണെന്നും എ.കെ ബാലന്‍ കൂട്ടിച്ചേർത്തു.