നിയന്ത്രണം വിട്ട് തോട്ടിൽ വീണ കാർ ഒഴുക്കിൽപെട്ട് ആറ്റിൽ പതിച്ചു

നെടുങ്കണ്ടം: ആനക്കല്ലിൽ നിയന്ത്രണം വിട്ട് തോട്ടിൽ വീണ കാർ 500 മീറ്ററോളം ഒഴുകിപോയി 30 അടി താഴ്‌ചയുള്ള ആറ്റിലേക്ക് വീണു.ഈറോട് സ്വദേശി ഗൗതത്തിൻ്റെ കാറാണ് വെള്ളിയാഴ്‌ച രാത്രി അപകടത്തിൽപെട്ടത്. പാലത്തിനടിയിലെ തോട്ടിലേക്ക് വീണെങ്കിലും ആ സമയം വെള്ളമുണ്ടായിരുന്നില്ല. എന്നാൽ രാത്രിയിൽ കനത്ത മഴപെയ്ത‌തോടെ പാലത്തിനടിയിലെ കാർ ഒഴുകി പോകുകയായിരുന്നു. 30 അടി താഴ്ചയിലുള്ള കോമ്പയാർ ആനക്കല്ല് ആറ്റിൽ വീണ കാർ കരക്ക് കയറ്റാൻ അഗ്നിശമന സേന വന്നെങ്കിലും മതിയായ ഉപകരണങ്ങളില്ലാത്തിനാൽ ശ്രമം വിഫലമായി. തുടർന്ന് നാട്ടുകാരാണ് വടമിട്ട് പിടിച്ച് കാർ കരയിൽ കയറ്റിയത്. പരിക്കേറ്റ ഗൗതമിനെ തമിഴ്‌നാട്ടിലെ ആശുപത്രിയിലേക്ക് കൊണ്ടുപോയി.