‘ലക്കി ഭാസ്കർ’ ചിത്രത്തിൻ്റെ കേരള ഓപണിംഗ് കണക്കുകൾ പുറത്തുവിട്ടു

ദുൽഖറിന്റെ ഏറ്റവും പുതിയ റിലീസ് ആയി എത്തിയ ലക്കി ഭാസ്‌കർ ബഹുഭാഷകളിൽ പാൻ ഇന്ത്യൻ റിലീസ് ആയി എത്തിയ തെലുങ്ക് ചിത്രമാണ്. ചിത്രത്തിന്റെ കേരള ഓപണിംഗ് സംബന്ധിച്ച ഒഫിഷ്യൽ കണക്കുകളും പുറത്തെത്തിയിരിക്കുകയാണ്. ആദ്യദിനം ചിത്രം കേരളത്തിൽ നിന്ന് നേടിയത് 2.05 കോടിയാണെന്ന് വിതരണക്കാരായ വേഫെറർ ഫിലിംസ് അറിയിച്ചു. അതേസമയം ആഗോള ബോക്‌സ് ഓഫീസിൽ നിന്ന് ആദ്യദിനം ചിത്രം നേടിയത് 12.7 കോടിയാണ്. ദുൽഖർ സൽമാൻ്റെ തന്നെ ഉടമസ്ഥതയിലുള്ള നിർമ്മാണ, വിതരണ കമ്പനിയാണ് വേഫെറർ.നിർമ്മാതാക്കളായ സിതാര എൻ്റർടെയ്ൻമെന്റ്സ് അറിയിച്ചതാണ് ഇത്.വെങ്കി അറ്റ്ലരി രചനയും നിർവ്വഹിച്ചിരിക്കുന്ന ചിത്രത്തിൽ ഭാസ്‌കർ എന്ന ടൈറ്റിൽ കഥാപാത്രത്തെയാണ് ദുൽഖർ അവതരിപ്പിക്കുന്നത്. മീനാക്ഷി ചൗധരിയാണ് നായിക. 1980 – 1990 കാലഘട്ടത്തിലെ മുംബൈ നഗരത്തിൻ്റെ പശ്ചാത്തലത്തിൽ കഥ പറയുന്ന ഈ പീരീഡ് ഡ്രാമയിൽ ഒരു ബാങ്ക് കാഷ്യറുടെ വേഷത്തിലാണ് ദുൽഖർ സൽമാൻ എത്തുന്നത്. വെങ്കി അറ്റ്ലരി തന്നെയാണ് ചിത്രത്തിന്റെ രചനയും നിർവ്വഹിച്ചിരിക്കുന്നത്. മീനാക്ഷി ചൗധരി നായികാ വേഷം ചെയ്യുന്ന ലക്കി ഭാസ്‌കറിൽ ഹൈപ്പർ ആദി, സൂര്യ ശ്രീനിവാസ് എന്നിവരാണ് മറ്റു പ്രധാന താരങ്ങൾ. യുവ പ്രേക്ഷകരേയും കുടുംബ പ്രേക്ഷകരേയും ഒരുപോലെ ലക്ഷ്യം വെക്കുന്ന ഈ ചിത്രം, തെലുങ്ക്, തമിഴ്, മലയാളം, ഹിന്ദി ഭാഷകളിലാണ് പ്രദർശനത്തിനെത്തിയിരിക്കുന്നത്.