രാജ്യത്തെ മികച്ച സേന കേരളത്തിലെ പൊലീസ് സേനയാണ് -മുഖ്യമന്ത്രി

തിരുവനന്തപുരം: പൊലീസ് സംവിധാനത്തിൽ സമാനതകളില്ലാത്ത മാറ്റം ദൃശ്യമായ ഘട്ടമാണ് കഴിഞ്ഞ എട്ടര വർഷക്കാലമെന്നും ഇക്കാലയളവിൽ രാജ്യത്തെ മികച്ച സേന എന്ന നിലയിലേക്ക് കേരള പൊലീസിനെ പരിവർത്തിപ്പിക്കാൻ സാധിച്ചതായും മുഖ്യമന്ത്രി പറഞ്ഞു.പേരൂർക്കട എസ്.എ.പി ഗ്രൗണ്ടിൽ കേരള പോലീസിൻ്റെ 68-ാ മത് രൂപവത്കരണ വാർഷികദിനാഘോഷ പരിപാടിയുടെ ഉദ്ഘാടനവും 264 പൊലീസ് ഉദ്യോഗസ്ഥർക്കുള്ള മെഡലുകളും വിതരണവും നിർവഹിച്ച് സംസാരിക്കുകയായിരുന്നു മുഖ്യമന്ത്രി. കേരള പൊലീസ് മേധാവി ഷെയ്ഖ് ദർവേഷ് സാഹേബും ഉയർന്ന പൊലീസ് ഉദ്യോഗസ്ഥരും ചടങ്ങിൽ സന്നിഹിതരായിരുന്നു.

കേരളത്തിലെ മതനിരപേക്ഷ സമൂഹത്തിൻ്റെ സംരക്ഷണം ഉറപ്പാക്കാൻ പൊലീസിനെ ഫലപ്രദമായി ഉപയോഗിച്ചു. വർഗീയ സംഘർഷങ്ങൾ ഒന്നുംതന്നെ കഴിഞ്ഞ എട്ടര വർഷത്തിനിടയിൽ സംസ്ഥാനത്തുണ്ടായിട്ടില്ലെന്നത് പ്രത്യേകം എടുത്തുപറയേണ്ടതുണ്ട്. ആർക്കും ഏത് സമയവും ആശ്രയിക്കാവുന്ന, പ്രശ്നപ രിഹാരത്തിനായി നിർഭയമായി കടന്നുചെല്ലാവുന്ന ഇടമായി കേരളത്തിലെ പൊലീസ് സ്റ്റേഷനുകൾ മാറിയെന്നും മുഖ്യമന്ത്രി പറഞ്ഞു.