ശബരിമലയിൽ പുഷ്പാഭിഷേകത്തിന് അധികം പൂക്കൾ വേണ്ട

തിരുവനന്തപുരം: ശബരിമലയിൽ പുഷ്പാഭിഷേക വഴിപാടിന് അധികം പൂക്കൾ ഉപയോഗിക്കില്ല. അമിതമായി പൂക്കൾ കൊണ്ടുവന്ന് സന്നിധാനത്ത് നശിപ്പിക്കുന്നത് ഒഴിവാക്കാൻ ഹൈക്കോടതിയും തന്ത്രിയും ദേവസ്വം ബോർഡും യോജിച്ചു തീരുമാനം എടുത്തിരിക്കുന്നത്. പുഷ്പാഭിഷേകത്തിന് പൂക്കളുടെ അളവും നിശ്ചയിച്ചു.25 ലിറ്റർ മാത്രം ഉപയോഗം.

12,500 രൂപ ചെലവുവരുന്ന പുഷ്പാഭിഷേകത്തിന് അയൽസംസ്ഥാനങ്ങളിൽനിന്നാണ് പൂക്കളെത്തിക്കുന്നത്. ഇതിന് ദേവസ്വം ബോർഡ് രണ്ടുകോടിയുടെ കരാറും നൽകി. ദിവസം 80 മുതൽ 100 വരെ പുഷ്പാഭിഷേകമാണ് നടക്കുക.പൂജകൾക്കുശേഷം ഇൻസിനറേറ്ററിൽ കത്തിച്ചുകളയുന്നതാണ് രീതി.