200 ലിറ്റർ വാഷ് എക്സൈസ് സംഘം നശിപ്പിച്ചു

കൊയിലാണ്ടി : കൊയിലാണ്ടി റെയ്ഞ്ച് എക്സൈസ് സംഘം പരിശോധനയിൽ 200 ലിറ്റർ വാഷ് കണ്ടെടുത്ത് നശിപ്പിച്ചു. വിയ്യൂർ കളത്തിൽക്കടവ് പുഴയോരത്ത് കണ്ടൽക്കാടിനിടയിൽ ഒളിപ്പിച്ചുവെച്ച നിലയിലായിരുന്ന വാഷാണ് ഉദ്യോഗാർത്ഥർ കണ്ടെത്തിയത്. .

കൊയിലാണ്ടി അസി. എക്സൈസ് ഇൻസ്പെക്ടർ (ഗ്രേഡ്) വി. പ്രജിത്ത്, അസിസ്റ്റൻറ് എക്സൈസ് ഇൻസ്പെക്ടർമാരായ പ്രവീൺ ഐസക്ക്, പി.സി. ബാബു, സിവിൽ എക്സൈസ് ഓഫീസർ വിപിൻ, ഡ്രൈവർ സന്തോഷ്‌കുമാർ എന്നിവർ റെയ്ഡിൽ പങ്കെടുത്തു.