തെരുവുനായ ശല്യം രൂക്ഷം ; നടപടി എടുക്കാതെ അധികൃതർ

കൂടൽ : കൂടലിലും പരിസര പ്രദേശങ്ങളിലും തെരുവുനായ ശല്യം രൂക്ഷമാകുന്നു. വഴിയാത്രക്കാർക്കും ഇരുചക്ര വാഹനങ്ങളിൽ സഞ്ചരിക്കുന്നവർക്കും ഭീഷണിയാകുന്ന രീതിയിലേക്ക് തെരുവുനായയുടെ ശല്യം വർദ്ധിക്കുന്നത്.

തെരുവ് നായ്ക്കൾ ഇരുചക്രവാഹനത്തിന് കുറുകെ ചാടി അപകടത്തിൽപെടുന്നത് പതിവാണ്.കൂടൽ ജംഗ്ഷൻ, ഫെഡറൽ ബാങ്കിന്റെ പരിസരം, മാർക്കറ്റ്, സപ്ലൈകോയുടെ പരിസരം രാജഗിരി റോഡ്, ഗാന്ധി ജംഗ്ഷൻ, പൊലീസ് സ്റ്റേഷൻ പരിസരം, നെല്ലിമുരുപ്പ് റോഡ് എന്നിവിടങ്ങളിൽ തെരുവുനായ ശല്യം രൂക്ഷം.

പ്രദേശത്തെ മാലിന്യം തള്ളൽ ഒരു പരിധിവരെ തെരുവ് നായ്ക്കളുടെ വർദ്ധനയ്ക്കു കാരണം ആകുന്നതായി നാട്ടുകാർ പരാതിപ്പെടുന്നു. പ്രഭാത സവാരിക്കാരും പത്ര വിതരണക്കാർ, പാൽ വിതരണക്കാർ തുടങ്ങിയവർ തെരുവ് നായ്ക്കളുടെ ശല്യം മൂലം പൊറുതി മുട്ടിയിരിക്കുന്നത്.നാട്ടുകാർക്ക് ഭീഷണിയാകുന്ന തെരുവ് നായ്ക്കളെ തുരത്താൻ നടപടി കൈക്കൊള്ളണമെന്ന നാട്ടുകാരുടെ ആവശ്യം ശക്തമായിരിക്കുകയാണ്.