അതിഥി തൊഴിലാളികൾക്കിടയിൽ മയക്കുമരുന്ന് വിൽപ്പന ദമ്പതികൾ പിടിയിൽ

തൃപ്പൂണിത്തുറ: അതിഥി തൊഴിലാളികൾക്കിടയിൽ മയക്കുമരുന്ന് വിതരണം ചെയ്ത അസം സ്വദേശി ഫുളച്ചൻ അലി (32 )ഭാര്യ അർജുമ ബീഗം(23 )എന്നീ ദമ്പതികളെയാണ് തൃപ്പൂണിത്തുറ ഇരുമ്പനം വേലിക്കകത്ത് റോഡിൽ നിന്നും പോലീസ് പിടികൂടിയത്. കൊച്ചി സിറ്റി പോലീസ് കമ്മീഷണർ പുട്ട് വിമലാദിത്യ, ഡെപ്യൂട്ടി കമ്മീഷണർ സുദർശൻ എന്നിവരുടെ നിർദ്ദേശപ്രകാരം കൊച്ചി സിറ്റി നർക്കോട്ടിക്സ് അസിസ്റ്റൻറ് കമ്മീഷണർ അബ്ദുൽ സലാമിന്റെ നേതൃത്വത്തിലുള്ള ഡാൻസാഫ് സംഘമാണ് പ്രതികളെ പിടികൂടിയത്. 26.7 ഗ്രാം ബ്രൗൺഷുഗറും 243 ഗ്രാം കഞ്ചാവും 251490 രൂപയും ആണ് ഇവരിൽ നിന്നും കണ്ടെടുത്തത്.