എരുമയെ മോഷ്ടിച്ചു ; പ്രതി പിടിയിൽ

ചവറ : എരുമയെ മോഷ്ടിച്ചയാളെ പോലീസ് അറസ്റ്റ് ചെയ്‌തു. കിളികൊല്ലൂർ, വിയ്യത്ത് കിഴക്കേത്തറയിൽ ബിജു(46)വാണ് ചവറ പോലീസിന്‍റെ പിടിയിലായത്.

വെള്ളിയാഴ്ച പുലർച്ചെ ചവറ സ്വദേശി അനിൽകുമാറിന്‍റെ വീട്ടുവളപ്പിൽ നിന്ന് മൂന്നുവർഷം പ്രായമായ എരുമയെ മോഷ്ടിച്ചു കടക്കുകയായിരുന്നു.

തുടർന്ന് അനിൽകുമാർ പോലീസിൽ നൽകിയ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്തു നടത്തിയ അന്വേഷണത്തിലാണ്‌ ബിജുവിനെ അറസ്റ്റ് ചെയ്തത്‌.