വാണിജ്യ പാചകവാതക സിലിണ്ടറിന് നേരിയ തോതിൽ വിലകുറച്ച് കേന്ദ്രം

വാണിജ്യ പാചകവാതക സിലിണ്ടറിന് വളരെ നേരിയ തോതിൽ വിലകുറച്ച് കേന്ദ്രം. സിലിണ്ടറൊന്നിന് ഒന്നര രൂപ മാ​ത്രമാണ് കുറച്ചത്.

അതേസമയം, വിമാന ഇന്ധനമായ ഏവിയേഷൻ ടർബൈൻ ഫ്യുവലിന് (എ.ടി.എഫ്) നാല് ​ശതമാനവും വിലകുറച്ചു. കിലോ ലിറ്ററിന് 4,162 രൂപ കുറച്ചതോടെ ഇന്നലെ ഡൽഹിയിലെ വില കിലോ ലിറ്ററിന് 1,01993.17 രൂപയായി.

ഹോട്ടലുകളിലും മറ്റും ഉപയോഗിക്കുന്ന വാണിജ്യ പാചകവാതക സിലിണ്ടറിന് 1755.50 രൂപയാണ് ഇന്നലെ ഡൽഹിയിലെ വില. മുംബൈയിൽ 1708.50 രൂപയും. കഴിഞ്ഞ മാസം 22ന് 39.5 രൂപ കുറച്ചിരുന്നു.