പാലാ ഉപജില്ല സ്കൂൾ കലോത്സവം ഇത്തവണ വിളക്കുമാടത്ത്

പാലാ വിദ്യാഭ്യാസ ഉപജില്ല 2024 – 25 സ്കൂൾ കലോത്സവം വിളക്കുമാടം സെൻറ് ജോസഫ് ഹയർ സെക്കൻഡറി സ്കൂളിൽ ഒക്ടോബർ 25 , 28 , 29 , 30 തീയതികളിൽ നടത്തപ്പെടും. 1500 മത്സരാർത്ഥികളും 500 ഒഫീഷ്യൽസും കലോത്സവത്തിൽ പങ്കെടുക്കും. ഈ മത്സരത്തിൽ വിജയികളാകുന്നവരാണ് ജില്ലാതല മത്സരത്തിൽ പങ്കെടുക്കുന്നത്. കലോത്സവത്തിന്റെ വിജയത്തിനായി ഫാദർ ജോർജ് മണ്ണു കുശുമ്പിൽലിന്റെ നേതൃത്വത്തിൽ വിപുലമായ സംഘാടകസമിതി യോഗം ചേർന്നു. യോഗത്തിൽ ഫാദർ ജോർജ് മണ്ണു കുശുമ്പിൽ അധ്യക്ഷത വഹിച്ചു. ജില്ലാ പഞ്ചായത്ത് മെമ്പർ രാജേഷ് വാളിപ്ലാക്കൽ യോഗം ഉദ്ഘാടനം ചെയ്തു. പഞ്ചായത്ത് പ്രസിഡൻറ് സാജോ പൂവത്താണി മുഖ്യ പ്രഭാഷണം നടത്തി. എ ഇ ഓ ഷൈല ബി പദ്ധതി വിശദീകരണം നടത്തി. പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ സോജൻ തൊടുക, പിടിഎ പ്രസിഡണ്ട് ബിജോയ്ത്തോട്, ബ്ലോക്ക് പഞ്ചായത്ത് മെമ്പർ ജോസ് ചെമ്പകശ്ശേരി, വ്യാപാരി വ്യവസായി ഏകോപന സമിതി പൈക യൂണിറ്റ് പ്രസിഡൻറ് ജോണി കുന്നപ്പള്ളി, ഹെഡ്മാസ്റ്റേഴ്സ് ഫോറം സെക്രട്ടറി ഷിബു ജോർജ്, സ്കൂൾ പ്രിൻസിപ്പൽ ജോബി സെബാസ്റ്റ്യൻ, സ്കൂൾ ഹെഡ്മാസ്റ്റർ ഷൈനി ജോസ് തുടങ്ങിയവർ പ്രസംഗിച്ചു. 10 കമ്മിറ്റികൾക്കാണ് രൂപം നൽകി.