ബൈക്ക് വൈദ്യുതി പോസ്റ്റിൽ ഇടിച്ച യുവാവ് മരിച്ചു

കോട്ടയം:ആർപ്പുക്കര വില്ലൂന്നി ചൂരക്കാവ് ക്ഷേത്രത്തിന് സമീപം മൂന്നു പറയിൻ വീട്ടിൽ രാജേഷിന്റെ മകൻ ആദിത്യൻ രാജേഷ് (22) ആണ് മരിച്ചത്. ഇന്നലെ രാത്രി 10 45 ആയിരുന്നു അപകടം. മെഡിക്കൽ കോളേജ് ആശുപത്രി ഭാഗത്ത് സുഹൃത്തുക്കളെ കണ്ട ശേഷം വീട്ടിലേക്ക് മടങ്ങുകയായിരുന്ന ആദിത്യന്റെ ബൈക്ക് നിയന്ത്രണം നഷ്ടമായി റോഡരികിലെ വൈദ്യുത പോസ്റ്റിൽ അടിക്കുകയായിരുന്നു. ഇടിയുടെ ആഘാതത്തിൽ വൈദ്യുതി പോസ്റ്റിന്റെ കോൺക്രീറ്റ് ഭാഗം ഇളകി മാറി കമ്മി പുറത്തുവന്നു ഗുരുതരമായ പരിക്കേറ്റ യുവാവ് കോട്ടയം മെഡിക്കൽ കോളേജ് ആശുപത്രി ചികിത്സയിൽ കഴിയുകയായിരുന്നു. ഇന്ന് രാവിലെ 9:30 ആണ് മരണം സംഭവിച്ചത് പിതാവ് രാജേഷ്, മാതാവ് സവിധാ രാജേഷ് ,സഹോദരങ്ങൾ അഭിരാം അഭിജിത്. സംസ്കാരം വെള്ളിയാഴ്ച രാവിലെ പത്തിന് വീട്ടുവളപ്പിൽ.