വന്യജീവി വാരാഘോഷം ; ബൈക്ക് റാലി നടത്തി

കോഴിക്കോട് : വന്യജീവി വാരാഘോഷത്തിന്റെ സമാപനവുമായി ബന്ധപ്പെട്ട് ഉത്തരമേഖല സാമൂഹ്യവനവത്കരണ വിഭാഗം, കോഴിക്കോട് സോഷ്യല്‍ ഫോറസ്ട്രി ഡിവിഷന്റെ നേതൃത്വത്തില്‍ മാത്തോട്ടം വനശ്രീ ഫോറസ്റ്റ് കോംപ്ലക്‌സ് മുതല്‍ കോഴിക്കോട് ബീച്ച് വരെ ബൈക്ക് റാലി നടത്തി.

ഉത്തരമേഖല സാമൂഹ്യ വനവത്കരണ വിഭാഗം കണ്‍സര്‍വേറ്റര്‍ ആര്‍ കീര്‍ത്തി ഉദ്ഘാടനം ചെയ്തു. കോഴിക്കോട് എന്‍സിസി ഗ്രൂപ്പ് കമാണ്ടര്‍ ബ്രിഗേഡിയര്‍ ഡി കെ പത്ര ബൈക്ക് റാലി ഫ്ലാഗ് ഓഫ് ചെയ്തു. ഡെപ്യൂട്ടി കണ്‍സര്‍വേറ്റര്‍ ഓഫ് ഫോറസ്റ്റ്‌സ് പി ധനേഷ് കുമാര്‍, ഡിവിഷണല്‍ ഫോറസ്റ്റ് ഓഫീസര്‍ വി സന്തോഷ് കുമാര്‍, റെയിഞ്ച് ഫോറസ്റ്റ് ഓഫീസര്‍മാര്‍ എന്നിവര്‍ പങ്കെടുത്തു.

മീഞ്ചന്ത ഗവ. ആര്‍ട്സ് ആന്റ് സയന്‍സ് കോളേജിലെ വിദ്യാര്‍ത്ഥികള്‍ വന്യജീവി സംരക്ഷണ ബോധവത്കരണവുമായി ബന്ധപ്പെട്ട് കോഴിക്കോട് ബീച്ചില്‍ ഫ്ലാഷ് മോബും നടത്തി.