ഫാ.കെ.ടി. വർഗീസ് പൗരോഹിത്യ സുവർണ്ണ ജൂബിലി അനുമോദന സമ്മേളനം

ശൂരനാട് മൗണ്ട് സീനായ് ആശ്രമം സുപ്പീരിയർ ഫാ.കെ.ടി. വർഗീസിന്റെ പൗരോഹിത്യ സുവർണ്ണ ജൂബിലി അനുമോദന സമ്മേളനം മാതൃ ഇടവകയായ തിരുവല്ല ഓതറ സെന്റ് മേരീസ് ഓർത്തഡോക്സ് പള്ളിയിൽ ആരോഗ്യ വകുപ്പ് മന്ത്രി വീണാ ജോർജ് ഉദ്ഘാടനം ചെയ്യുന്നു. ചെങ്ങന്നൂർ ഭദ്രാസനാധിപൻ ഡോ. മാത്യൂസ് മാർ തിമോത്തിയോസ് അധ്യക്ഷത വഹിച്ചു. കൊല്ലം ഭദ്രാസനാധിപൻ ഡോ. ജോസഫ് മാർ ദിവന്നാസിയോസ് ചികിത്സാ സഹായ വിതരണം നടത്തി.

വൈദിക ട്രസ്റ്റി ഫാ. ഡോ. സജി അമയിൽ, മുൻ എംഎൽഎ ജോസഫ് എം പുതുശ്ശേരി, സഭാ വർക്കിംഗ് കമ്മിറ്റി അംഗം ഡോ. കെ എൽ മാത്യു വൈദ്യൻ കോറെപ്പിസ്കോപ്പ, വൈദിക സംഘം സെക്രട്ടറി ഫാ. ഡോ. നൈനാൻ വി ജോർജ്, ഭദ്രാസന സെക്രട്ടറി ഫാ. പി കെ കോശി, വികാരി ഫാ. തോമസ് സാമുവേൽ, ഇടവക ട്രസ്റ്റി മാമൻ വർഗീസ്, ഇടവക സെക്രട്ടറി കെ സി ചാക്കോ, കെ സി കുരിയാക്കോസ്, അഡ്വ. പി ഇ എബ്രഹാം പ്ലാവിനാൽ എന്നിവർ പ്രസംഗിച്ചു. ഫാ. കെ.ടി. വർഗീസ് മറുപടി പ്രസംഗം നടത്തി. പരീക്ഷയിൽ ഉന്നത വിജയം നേടിയവരെ ആദരിച്ചു.

ഡിസംബർ 16ന് പരുമല സെമിനാരിയിൽ വച്ച് ഫാ. കെ.ടി. വർഗീസിന് റമ്പാൻ സ്ഥാനം നൽകും.