നൂറെ മദീന മീലാദ് കാമ്പയ്നിൻ പ്രൗഢമായ തുടക്കം

ദേളി : സഅദിയ്യ ഇംഗ്ലീഷ് മീഡിയം നൂറെ മദീന മീലാദ് ഫെസ്റ്റ് ഏഴ് ദിവസം നീണ്ടു നിൽക്കുന്ന വിദ്യാർത്ഥികളുടെ കലാപരിപാടികൾക്ക് തുടക്കമായി.  കാമ്പയ്ൻ പ്രോഗ്രാം കമ്മിറ്റി കൺവീനർ മുനീർ ഹാഷിമി സ്വാഗതം പറഞ്ഞു. പ്രോഗ്രാം കമ്മിറ്റി ചെയർമാൻ അബൂബക്കർ ഖാദിരിയുടെ അധ്യക്ഷതയിൽ സ്കൂൾ പ്രിൻസിപ്പൽ ഹനീഫ അനീസ് ഉദ്ഘാടനം ചെയ്തു, വിശിഷ്ടാതിഥി സത്താർ ഹാജി ചെമ്പരിക്ക (സഅദിയ്യ ഇന്റർ നാഷണൽ സെക്രട്ടറി) , അബ്ദുൽ ഖാദിർ സഅദി (മോറൽ ഹെഡ്), അബ്ദുൽ റഹ്മാൻ എരോൾ എന്നിവർ സംസാരിച്ചു. ഫാറൂഖ് സഖാഫി നന്ദി പറഞ്ഞു.

കാമ്പയ്നിന്റെ സമാപനം ഈ മാസം 12 ന് അതി വിപുലമായി നടക്കും. പ്രാസ്ഥാനിക നേതാക്കൾ ചടങ്ങിൽ സംബന്ധിക്കും.

സഅദിയ്യ ഇംഗ്ലീഷ് മീഡിയം നൂറെ മദീന കാമ്പയ്ൻ എല്ലാവർഷവും വ്യത്യസ്തമായ രൂപത്തിൽ പ്രൗഢമാവുന്നുണ്ടെന്നും അതിലൂടെ വിദ്യാർത്ഥികളുടെ കഴിവുകൾ വളർത്തിയെടുക്കാൻ സാധിക്കുന്നുണ്ടെന്നും വിദ്യാർത്ഥികൾ അത് ഉപയോഗപ്പെടുത്തണമെന്നും അവരുടെ കഴിവുകൾ വളർത്തിയെടുക്കാൻ പറ്റുന്ന എല്ലാ മേഖലയിലും നന്നായി ഇടപെടണമെന്നും കാമ്പയ്ൻ അഭിപ്രായപ്പെട്ടു.