ബസിടിച്ച് കാൽനട യാത്രക്കാരി മരിച്ചു : പ്രതി അറസ്റ്റിൽ

മുംബൈ : ഡ്രൈവറുമായി തർക്കിച്ച യാത്രക്കാരൻ സ്റ്റിയറിങ് പിടിച്ചുതിരിച്ചതിന് പിന്നാലെ കാൽനട യാത്രക്കാർക്കിടയിലേക്ക് ബസ് പാഞ്ഞുകയറി യുവതിക്ക് ദാരുണാന്ത്യം. നൂപുർ മണിയാറാണ് മരിച്ചത്. പ്രതി ദത്താ ഷിൻഡെയെ പൊലീസ് അറസ്റ്റ് ചെയ്തു. അതേസമയം അപകടത്തിൽ 9 പേർക്ക് കൂടി പരുക്കേറ്റിട്ടിട്ടുണ്ട് . ഇതിൽ മൂന്നു പേരുടെ നില ഗുരുതരമാണ്. ഇവരെ ഉടൻ മുംബൈ കെഇഎം ആശുപത്രിയിൽ ചികിത്സയിലാണെന്ന് പൊലീസ് അറിയിച്ചു. ഞായറാഴ്ച രാത്രി ലാൽബാഗ് മേഖലയിയിരുന്നു സംഭവ൦ . സംഭവം നടക്കുമ്പോൾ പ്രതി ദത്താ ഷിൻഡെ മദ്യലഹരിയിലായിരുന്നു എന്നാണ് പ്രാഥമിക നിഗമനം .