കനത്ത മഴ : 140 ട്രെയിനുകൾ റദ്ദാക്കി; 97 എണ്ണം വഴിതിരിച്ചു വിട്ടതായി അറിയിച്ചു

വിജയവാഡ : ആന്ധ്രയിലും തെലങ്കാനയിലും മഴയുടെ തീവ്രത കൂടിയ സാഹചര്യത്തിൽ വിജയവാഡ-കാസിപ്പേട്ട് സെക്ഷനിലെ രായണപ്പാട് സ്റ്റേഷനിലെ തിരുവനന്തപുരം ഡിവിഷനിൽ നിന്ന് സർവീസ് നടത്തുന്ന ട്രെയിനുകളിൽ ചിലതും റദ്ദാക്കി. ഇന്ന് തിരുവനന്തപുരത്ത് പുറപ്പെടേണ്ട ട്രെയിൻ നമ്പർ.22648 കൊച്ചുവേളി – കോർബ എക്‌സ്പ്രസ്, ട്രെയിൻ നമ്പർ.22815 ബിലാസ്പൂർ-എറണാകുളം എക്‌സ്പ്രസ് , സെപ്റ്റംബർ 4-ന് പുറപ്പെടേണ്ട ട്രെയിൻ നമ്പർ.22816 എറണാകുളം-ബിലാസ്പൂർ എക്‌സ്‌പ്രസ് എന്നിവയാണ് റദ്ദാക്കിയത് .

കനത്ത മഴ മൂലം ആന്ധ്ര, തെലങ്കാന സംസ്ഥാനങ്ങളിലെ സൗത്ത് സെൻട്രൽ റെയിൽവെ വിജയവാഡ ഡിവിഷനിലെ 140 ട്രെയിനുകളാണ് റദ്ദാക്കിയിട്ടുണ്ട് . അതിൽ 97 എണ്ണം വഴിതിരിച്ചു വിട്ടതായും റെയിൽവെ അറിയിച്ചിയിട്ടുണ്ട് . ഇനി വരും ദിവസങ്ങളിൽ മഴ കനക്കുമെന്നതിനാൽ സംസ്ഥാന, ദേശീയ ദുരന്തനിവാരണ അതോറിറ്റി രക്ഷാപ്രവർത്തനവുമായി രംഗത്തെത്തിയിട്ടുണ്ട് . അതിനായി 26 എൻ‌ഡി‌ആർ‌എഫ് സംഘങ്ങളെ ഇരു സംസ്ഥാനങ്ങളിലുമായി നിയോഗിച്ചിട്ടുണ്ട് .