നിങ്ങൾ തയ്യല്‍ അറിയാവുന്നവരാണോ ? എങ്കിൽ ഒഡെപെക് വഴി ജോര്‍ദാനിലേക്ക് പറക്കാം, നിങ്ങളെ കാത്ത് മികച്ച തൊഴിൽ സാധ്യത

കേരള സര്‍ക്കാര്‍ സ്ഥാപനമായ ഒഡെപെക് മുഖേന ജോര്‍ദാനിലെ പ്രമുഖ ഫാഷന്‍ വ്യവസായ ഗ്രൂപ്പിലേക്ക് തയ്യല്‍ ഓപ്പറേറ്റര്‍മാരെ റിക്രൂട്ട് ചെയ്യുന്നു. മൂന്ന് വര്‍ഷത്തേക്കായിരിക്കും കരാര്‍.

യോഗ്യത: പത്താംക്ലാസ് പാസായിരിക്കണം, വസ്ത്ര വ്യവസായ രംഗത്ത് കുറഞ്ഞത് മൂന്ന് വര്‍ഷത്തെ പരിചയവും സിംഗിള്‍ ലോക്ക്, ഫ്‌ലാറ്റ് ലോക്ക്, ഓവര്‍ ലോക്ക് മെഷീനുകളില്‍ പ്രാവീണ്യവും ഉണ്ടായിരിക്കണം.

പ്രായം: 35 വയസ്സില്‍ താഴെ.

ശമ്പളം: 125 ജോര്‍ദാന്‍ ദിനാറും (ഉദ്ദേശം 15000 രൂപ) ഓവര്‍ടൈം അലവന്‍സും. വിസ, എയര്‍ ടിക്കറ്റ്, ഭക്ഷണം, താമസസൗകര്യം എന്നിവ സൗജന്യമായിരിക്കും.

ബയോഡേറ്റ, പാസ്‌പോര്‍ട്ട് എന്നിവ ഓഗസ്റ്റ് 31-ന് മുന്‍പായി jordan@odepc.in എന്ന ഇ-മെയിലിലേക്ക് അയക്കണം. വിശദവിവരങ്ങള്‍ക്ക് വെബ്സൈറ്റ്: www.odepc.kerala.gov.in, ഫോണ്‍: 0471-2329440/41/42 /45 /7736496574.