സന്ദർശനം കഴിഞ്ഞ്‌ മടങ്ങിയെത്തിയ പ്രധാനമന്ത്രി നരേന്ദ്ര മോദി റഷ്യൻ പ്രസിഡന്റ്മായി ഫോണിൽ സംസാരിച്ചു.

ന്യൂഡൽഹി : പ്രധാനമന്ത്രി നരേന്ദ്ര മോദി ഉക്രയ്‌ൻ, പോളണ്ട്‌ സന്ദർശനം കഴിഞ്ഞ്‌ മടങ്ങിയെത്തിയ ശേഷം റഷ്യൻ പ്രസിഡന്റ്‌ വ്ലാദിമിർ പുടിനുമായി ഫോണിൽ സംസാരിച്ചു. ഇരു രാജ്യങ്ങളും തമ്മിലുള്ള സവിശേഷവും തന്ത്രപരവുമായ ബന്ധം ശക്തിപ്പെടുത്തുന്നത്‌ സംബന്ധിച്ച്‌ സംസാരിച്ചുവെന്ന്‌ മോദി ‘എക്‌സിൽ’ കുറിച്ചു. റഷ്യ–-ഉക്രയ്‌ൻ സംഘർഷം, ഉക്രെയ്‌ൻ സന്ദർശനം തുടങ്ങിയവയും സംസാരിച്ചു. സംഘർഷം അവസാനിപ്പിക്കാനുള്ള സ്ഥിരവും സമാധാനപരവുമായ പരിഹാരത്തിന് ഇന്ത്യയുടെ പിന്തുണ ആവർത്തിച്ച്‌ വാഗ്‌ദാനം ചെയ്‌തതായും പ്രധാനമന്ത്രി എക്‌സിൽ കുറിച്ചു.