ഫുട്ബോൾ ടൂർണമെൻറിൽ മോശം പ്രകടനം നടത്തിയ കുട്ടികളെ ക്രൂരമായി മർദ്ദിച്ചു; കായികാധ്യാപകന് സസ്പെൻഡ്ഷൻ

ചെന്നൈ: സ്‌കൂളിലെ ഫുട്ബോൾ ടൂർണമെൻറിൽ മോശം പ്രകടനം നടത്തിയ കുട്ടികളെ ക്രൂരമായി മർദ്ദിച്ച കായികാധ്യാപകന് സസ്പെൻഡ്ഷൻ. ഫുട്‌ബാൾ ടീമിലെ വിദ്യാർഥികളെ ചവിട്ടുകയും തല്ലുകയും ചെയ്യുന്നതിൻ്റെ ദൃശ്യങ്ങൾ സമൂഹമാധ്യമത്തിലൂടെ പുറത്തു വരികയായിരുന്നു. തമിഴ്നാട്ടിലെ സ്കൂളിലെ അണ്ണാമലൈ എന്ന അധ്യാപകനെയാണ് സസ്പെൻഡ് ചെയ്തത്.

സേലം ജില്ലയിലെ മേട്ടൂരിന് സമീപമുള്ള സർക്കാർ എയ്ഡഡ് സ്‌കൂളിലാണ് സംഭവം. തുടർന്നാണ് ഇയാൾ കുട്ടികളെ തല്ലുകയും ചവിട്ടുകയും ചെയ്തത്. ആക്രമണത്തിൻറെ വിഡിയോ സമൂഹ മാധ്യമങ്ങളിൽ വൈറലായതോടെ അധ്യാപകനെ സസ്‌പെൻഡ് ചെയ്യുകയായിരുന്നു.

ജഴ്‌സിയും ഫുട്‌ബാൾ ബൂട്ടും ധരിച്ച് ഗ്രൗണ്ടിൽ ഇരിക്കുകയായിരുന്ന വിദ്യാർഥികളെ അധ്യാപകൻ മർദിക്കുന്നത് വിഡിയോയിൽ കാണാം. അധ്യാപകൻ അവരുടെ മുടി വലിക്കുന്നതും കാണാം. രോഷാകുലനായി സംസാരിക്കുന്നതും വിഡിയോയിലുണ്ട്.

വിദ്യാർത്ഥികൾ കരഞ്ഞ് നിലത്തിരിക്കുന്നുണ്ട്. പൂർവ വിദ്യാർഥിയാണ് വിഡിയോ പകർത്തി സമൂഹ മാധ്യമങ്ങളിൽ പങ്കുവെച്ചത്. സംഭവം പുറത്ത് അറിഞ്ഞതോടെ അധ്യാപകനും സ്ക്കൂളിനുമെതിരെ വ്യാപക പ്രതിഷേധം നടക്കുന്നുണ്ട്. സംഭവത്തിൽ അന്വേഷണം നടത്തുമെന്ന് ജില്ലാ വിദ്യാഭ്യാസ വകുപ്പിലെ ഉദ്യോഗസ്ഥൻ പറഞ്ഞു.

വിഡിയോ

https://x.com/vani_mehrotra/status/1822687487069696058