നിയന്ത്രണം വിട്ട പിക്ക് അപ്പ് വാൻ വീട്ടിലേക്ക് ഇടിച്ചുകയറി ഒരാൾക്ക് ദാരുണാന്ത്യം

പത്തനംതിട്ട: നിയന്ത്രണം വിട്ട പിക്ക് അപ്പ് വാൻ വീട്ടിലേക്ക് ഇടിച്ചുകയറി ഒരാൾക്ക് ദാരുണാന്ത്യം. കുലശേഖരപതി സ്വദേശി ഉബൈദുള്ള (52) ആണ് മരിച്ചത്. ഇന്ന് ഉച്ചയോടയാണ് അപകടം സംഭവിച്ചത്.

ഉബൈദുള്ളയുടെ സുഹൃത്തിന്റെ വീട്ടിലിരിക്കുമ്പോഴാണ് അപകടം. നിയന്ത്രണം വിട്ട വാൻ ഗേറ്റ് തകർത്ത് വീട്ടിലേക്ക് ഇടിച്ചുകയറുകയായിരുന്നു. വീട്ടുമുറ്റത്തുണ്ടായിരുന്ന രണ്ട് പേർ പെട്ടന്ന് ഓടിമാറിയെങ്കിലും ഉബൈദുള്ളയ്‌ക്ക് രക്ഷപ്പെടാൻ സാധിച്ചില്ല. വീട്ടുമുറ്റത്ത് പാർക്ക് ചെയ്ത കാറിനും ഭിത്തിക്കുമിടയിൽ ഉബൈദുള്ള അകപ്പെടുകയായിരുന്നു.

ഗുരുതരമായി പരിക്കേറ്റ ഉബൈദുള്ളയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. നിയന്ത്രണം വിട്ട വാൻ ആദ്യം ഒരു ബൈക്കിലും ഇടിച്ചിരുന്നു.