പ്രമേഹ രോ​ഗമാണോ പ്രശ്നം? അറിഞ്ഞിരിക്കാം ഈ ക്കാര്യങ്ങൾ

പ്രമേഹം ഇന്നൊരു സാധാരണ രോഗമായി മാറിയിരിക്കുന്നു. മരുന്ന്‌ കഴിച്ചതു കൊണ്ട്‌ മാത്രം പ്രമേഹത്തെ വരുതിയിൽ നിർത്താമെന്ന്‌ കരുതരുത്‌. ആരോഗ്യകരമായ ഒരു ജീവിതശൈലിയും ഈ രോഗത്തെ നിയന്ത്രിക്കാൻ അത്യാവശ്യമാണ്‌. നല്ല ശീലങ്ങൾ തന്നെയാണ്‌ ഇതിൽ സുപ്രധാനം. ഈ പുതുവർഷത്തിൽ പ്രമേഹം കടുത്തതാകുന്ന നമ്മുടെ ജീവിതശൈലിയിലെ ചില തെറ്റുകൾ ചൂണ്ടിക്കാണിക്കുകയാണ്‌ ഡോ. ഡിക്‌സ ഭാവ്‌സർ സവാലിയ തന്റെ ഇൻസ്‌റ്റാഗ്രാം പോസ്‌റ്റിലൂടെ.

ടൈപ്പ് 2 പ്രമേഹത്തിൻറെ അടിസ്ഥാന കാരണങ്ങളിലൊന്ന് അമിതവണ്ണമാണ്. അമിതവണ്ണമുള്ളവരിൽ പലർക്കും പ്രമേഹ സാധ്യത കൂടുതലാണ്. “ബോഡി മാസ് ഇൻഡക്‌സ് (ബിഎംഐ) അളക്കേണ്ടത് അത്യാവശ്യമാണ്. ഒരു വ്യക്തി, പ്രത്യേകിച്ച് പുരുഷൻമാരായ രോഗികൾ, അരക്കെട്ടിൻറെ ചുറ്റളവ് 40-ൽ കൂടുതലാണെങ്കിൽ, സ്ത്രീകളിൽ അരക്കെട്ടിൻറെ ചുറ്റളവ് 3-ൽ കൂടുതലാണെങ്കിൽ, അവർക്ക് പൊണ്ണത്തടി ഉണ്ടാകാനുള്ള സാധ്യത കൂടുതലാണ്. ഇത് പ്രമേഹം, രക്തസമ്മർദം, ദഹനസംബന്ധമായ പ്രശ്നങ്ങൾ എന്നിവയ്ക്ക് കാരണമാകുന്നു” ഫരീദാബാദ് ഇൻറേണൽ മെഡിസിൻ മരേംഗോ ക്യൂആർജി ഹോസ്പിറ്റൽ സീനിയർ കൺസൾട്ടൻറ് ഡോ.സന്തോഷ് കുമാർ അഗർവാൾ പറയുന്നു. ആരോഗ്യകരമായ ശരീരഭാരം നിലനിർത്താൻ പ്രമേഹ രോഗിക്ക് വരുത്താവുന്ന ചില ജീവിതശൈലി മാറ്റങ്ങൾ സന്തോഷ് കുമാർ നിർദേശിക്കുന്നു.

1.ആരോഗ്യകരമായ ഭക്ഷണം

പ്രോട്ടീനും ഫൈബറും കൂടുതൽ അടങ്ങിയ ഭക്ഷണങ്ങൾ പ്രമേഹരോഗികൾ കഴിക്കേണ്ടത് അത്യാവശ്യമാണ്. അതുപോലെ കാർബോഹൈഡ്രേറ്റ് കുറഞ്ഞ ഭക്ഷണങ്ങളും. അരിക്കും ഗോതമ്പിനും പകരം ബീൻസ്, മധുരക്കിഴങ്ങ്, സ്പോട്ടുകൾ എന്നിവ പ്രമേഹ രോഗികൾക്ക് കഴിക്കാവുന്നതാണ്.

2.വ്യായാമം

പ്രമേഹ രോഗികളുടെ ജീവിതത്തിൽ വ്യായാമം ഒഴിച്ചുകൂടാനാവാത്ത ഒരു കാര്യമായിരിക്കണം. ഒരു ദിവസം 150 മിനിറ്റെങ്കിലും വ്യായാമത്തിനായി മാറ്റിവയ്ക്കണം. വേഗതയേറിയ നടത്തം, നീന്തൽ,സൈക്ലിംഗ് എന്നിവ ചെയ്യുന്നത് നന്നായിരിക്കും. സ്ട്രെച്ച് ബാൻഡുകൾ പോലുള്ള പ്രവൃത്തികളും രോഗി കുറഞ്ഞത് രണ്ട് ദിവസമെങ്കിലും ചെയ്യണം, “ഡോ അഗർവാൾ പറഞ്ഞു.

3. നന്നായി വെള്ളം കുടിക്കുക

പ്രമേഹരോഗികളുടെ ശരീരത്തിൽ എപ്പോഴും ജലാംശം നിലനിർത്തേണ്ടത് അത്യാവശ്യമാണ്.

4.ഉറക്കം

പ്രമേഹരോഗിക്ക് ശരിയായ ഉറക്കം ലഭിക്കാതിരുന്നാൽ അത് ശരീരത്തിൽ സമ്മർദ്ദം സൃഷ്ടിക്കുകയും കോർട്ടിസോൾ പോലുള്ള സ്ട്രെസ് ഹോർമോണുകൾ വർദ്ധിപ്പിക്കുകയും ചെയ്യും. ഇത് ഷുഗർ ലെവൽ കൂട്ടുകയും ചെയ്യും. ഒരു പ്രമേഹ രോഗി ദിവസം 7-8 മണിക്കൂറെങ്കിലും ഉറങ്ങേണ്ടത് അത്യാവശ്യമാണ്.