ഉന്നതരടങ്ങിയ പിഎച്ചഡി ബാച്ചിനു തുടക്കമിട്ട് ഐഐഎം സമ്പല്‍പൂര്‍

കൊച്ചി: ഐഐഎം സമ്പല്‍പൂരിലെ ആറാമത് പിഎച്ച്ഡി ബാച്ചിനും അഞ്ചാമത് എക്സിക്യൂട്ടീവ് പിഎച്ച്ഡി ബാച്ചിനും തുടക്കമായി. പിഎച്ച്ഡി, എക്സിക്യൂട്ടീവ് പിഎച്ചഡി ബാച്ചുകളിലായി ആകെ 25 പേരാണുളളത്. സിഇഒ, മാനേജിങ് ഡയറക്ടര്‍, ഡെപ്യൂട്ടി മജിസ്ട്രേട്ട്, സീനിയര്‍ സൂപ്രണ്ട് ഓഫ് പോലീസ്, ഐഐടി അധ്യാപകര്‍ തുടങ്ങിയവര്‍ അടങ്ങുന്ന വിപുലമായ നിരയാണ് ഈ വിദ്യാര്‍ത്ഥികള്‍ക്കിടയിലുള്ളത്.

പുതുമകള്‍ കണ്ടെത്തുന്നതിനും യഥാര്‍ത്ഥ ലോകത്തിലെ പ്രശ്നങ്ങള്‍ക്കു പരിഹാരം കാണുന്നതിലും ഗവേഷണത്തിനു വലിയ പ്രാധാന്യമാണുള്ളതെന്ന് ഇതേക്കുറിച്ചു സംസാരിക്കവെ ഐഐഎം സമ്പല്‍പൂര്‍ മാനേജിങ് ഡയറക്ടര്‍ പ്രൊഫ. മഹാദിയോ ജെയ്സ്വാള്‍ പറഞ്ഞു.