കോവിഡ്; കേന്ദ്രം പ്രഖ്യാപിച്ച പ്രത്യേക സഹായധനപദ്ധതിയിൽ നാലുവർഷവും ഏറ്റവുമധികം തുക നേടിയെടുത്ത സംസ്ഥാനമായി ഉത്തർപ്രദേശ്

 കോവിഡ് അടച്ചിടൽസമയത്ത് കേന്ദ്രം പ്രഖ്യാപിച്ച പ്രത്യേക സഹായധനപദ്ധതിയിൽ നാലുവർഷവും ഏറ്റവുമധികം തുക നേടിയെടുത്ത സംസ്ഥാനം ഉത്തർപ്രദേശാണെന്ന് കേന്ദ്രം പുറത്തുവിട്ട കണക്കുകൾ വ്യക്തമാക്കുന്നു. കേന്ദ്രം നിർദേശിച്ച ബ്രാൻഡിങ് നടപ്പാക്കാത്തതിനാൽ ഈ സാമ്പത്തികവർഷം കേരളത്തിന് നയാപൈസ കിട്ടിയില്ലെന്ന് കഴിഞ്ഞദിവസം ‘മാതൃഭൂമി’ റിപ്പോർട്ടുചെയ്തിരുന്നു. ആന്ധ്രാപ്രദേശ്, മണിപ്പുർ, പഞ്ചാബ് എന്നിവയ്ക്കും പണം കിട്ടിയില്ല.