ചിത്രദുർഗയിൽ അഞ്ചംഗ കുടുംബത്തിന്റേതെന്ന് കരുതുന്ന അസ്ഥികൂടങ്ങൾ വീട്ടിനുള്ളിൽ കണ്ടെത്തി

2019 ജൂലായിലാണ് ഇവരെ അവസാനം നാട്ടുകാർ കണ്ടതെന്ന് പറയുന്നു. അതിനുശേഷം വീട് അടഞ്ഞുകിടക്കുകയായിരുന്നു. നാട്ടുകാരുമായും ബന്ധുക്കളുമായും ബന്ധം പുലർത്താതിരുന്ന ഇവരെ ആരും ശ്രദ്ധിച്ചില്ല. അഞ്ചുപേരും രോഗബാധിതരായിരുന്നെന്നും പറയുന്നു. അടഞ്ഞുകിടക്കുന്ന വീട്ടിൽ ആരോ അതിക്രമിച്ചുകടന്നതിന്റെ സൂചനകൾ കാണാനുണ്ട്. മോഷണം നടന്നതിന്റെ ലക്ഷണങ്ങളുമുണ്ടെന്ന് പോലീസ് പറഞ്ഞു. രണ്ടുമാസം മുമ്പ് വീടിന്റെ വാതിൽ തകർന്ന നിലയിലായിരുന്നത് ചിലരുടെ ശ്രദ്ധയിൽപ്പെട്ടിരുന്നു. പക്ഷേ, പോലീസിനെ അറിയിച്ചില്ല.