എംഎസ്എംഇകൾക്ക് ആദരവുമായി ആക്‌സിസ് ബാങ്ക്

കൊച്ചി: മൈക്രോ, ചെറുകിട, ഇടത്തരം സംരംഭങ്ങളുടെ (എംഎസ്എംഇ) മേഖലയ്ക്കുള്ള ആദരസൂചകമായി ആക്‌സിസ് ബാങ്ക് കേരളത്തിലെ 150-ലധികം എംഎസ്എംഇ ഉപഭോക്താക്കളെ അന്താരാഷ്ട്ര എംഎസ്എംഇ ദിനത്തിൽ ആദരിച്ചു. കൊച്ചി, കോഴിക്കോട്, പാലക്കാട്, എറണാകുളം, തിരുവനന്തപുരം, തൃശൂർ അടക്കം തിരഞ്ഞെടുത്ത ആക്സിസ് ബാങ്ക് ശാഖകളിലാണ് ആദരിക്കൽ ചടങ്ങ് സംഘടിപ്പിച്ചത്.

ആക്‌സിസ് ബാങ്ക് റീജിയണൽ ബ്രാഞ്ച് ബാങ്കിംഗ് ഹെഡ് – സൗത്ത് 1 ബൈശാഖി ബാനർജി, സർക്കിൾ ഹെഡ് എസ് ബിന്ദീഷ് എന്നിവർ എംഎസ്എംഇ ഉപഭോക്താക്കൾക്ക് സർട്ടിഫിക്കറ്റുകൾ സമ്മാനിക്കുകയും സംസ്ഥാനത്തിന്റെ സാമ്പത്തിക വളർച്ചയിൽ അവർ നൽകിയ സംഭാവനകളെ ആദരിക്കുകയും ചെയ്തു. റിലേഷൻഷിപ്പ് മാനേജർമാർ ഏതാനും ചില എംഎസ്എംഇ ഉപഭോക്താക്കളെ അവരുടെ ബിസിനസ് സ്ഥാപനത്തിലെത്തിയും ആദരിച്ചു.

ഈ അവസരത്തിൽ എംഎസ്എംഇകൾക്കായി ബാങ്ക് എക്സ്‌ക്ലൂസീവ് ഓഫറുകളും പ്രഖ്യാപിച്ചു. സുരക്ഷിതമായ പ്രവർത്തന മൂലധന ഉൽപ്പന്നങ്ങൾക്കുള്ള പ്രോസസ്സിംഗ് ഫീസിൽ 50% കിഴിവോടെ നിലവിലുള്ള ഉപഭോക്താക്കൾക്ക് ബാങ്ക് പ്രീ-ക്വാളിഫൈഡ് ഓഫറുകൾ നീട്ടി. ഇത് എംഎസ്എംഇകൾക്ക് മത്സരാധിഷ്ഠിത പലിശ നിരക്കിലും കുറഞ്ഞ പ്രോസസ്സിംഗ് ഫീയിലും ഇഎംഐ അടിസ്ഥാനത്തിൽ വായ്പകളും വാഗ്ദാനം ചെയ്തു.

ഇന്ത്യയുടെ സാമ്പത്തിക രംഗത്ത് എംഎസ്എംഇകൾ വഹിക്കുന്ന നിർണായക പങ്ക് തിരിച്ചറിഞ്ഞ് അവരെ പ്രോത്സാഹിപ്പിക്കുന്നതിനും പിന്തുണയ്ക്കുന്നതിനും ആക്സിസ് ബാങ്ക് പ്രതിജ്ഞാബദ്ധമാണെന്ന് ഈ സംരംഭത്തെക്കുറിച്ച് സംസാരിച്ച ആക്സിസ് ബാങ്ക് പ്രസിഡന്റും ബ്രാഞ്ച് ബാങ്കിംഗ് മേധാവിയുമായ അർണിക ദീക്ഷിത് പറഞ്ഞു. ആക്സിസ് ബാങ്ക് എംഎസ്എംഇ ഉപഭോക്താക്കളെ അവരുടെ വികസിച്ചുകൊണ്ടിരിക്കുന്ന ബിസിനസ്സ് ആവശ്യങ്ങൾ നിറവേറ്റുന്നതിനും ഉപഭോക്തൃ അനുഭവം മെച്ചപ്പെടുത്തുന്നതിനുമായി ഓഫറുകളും സഹായങ്ങളും നൽകി സഹകരിച്ചുവരുന്നതായും അർണിക ദീക്ഷിത് കൂട്ടിച്ചേർത്തു