പാലിയേക്കര ടോൾ പ്ലാസയിൽ ടോറസ് ലോറി പിന്നോട്ടെടുക്കുന്നതിനിടെ അപകടം.

തൃശ്ശൂർ:പാലിയേക്കര ടോൾ പ്ലാസയിൽ ടോറസ് ലോറി പിന്നോട്ടെടുക്കുന്നതിനിടെ അപകടം. ഫാസ്റ്റ് ടാ​ഗിൽ പണമില്ലാത്തതിനാൽ പാലിയേക്കര ടോൾ പ്ലാസയിൽ ടോറസ് ലോറി പിന്നോട്ടെടുക്കുന്നതിനിടെയാണ് അപകടം ഉണ്ടായത് . ശ്രദ്ധയില്ലാതെ ടോറസ് പിന്നോട്ട് എടുക്കുന്നതിനിടെ പിന്നിലുണ്ടായിരുന്ന കാറിൽ ഇടിച്ചുകയറുകയായിരുന്നു. വ്യാഴാഴ്ച വൈകീട്ട് അഞ്ചിനാണ് സംഭവം ഉണ്ടായത് .

തൃശ്ശൂർ ഭാ​ഗത്തുനിന്ന് എറണാകുളത്തേക്ക് പോകുകയായിരുന്നു ലോറി പാലിയേക്കര ടോൾ പ്ലാസയിലെത്തിയപ്പോൾ അവിടെ വച്ച് ഫാസ്റ്റ് ടാ​ഗിൽ പണമില്ലാത്തതിനാൽ ലോറി പെട്ടെന്ന് പിന്നോട്ടെടുക്കുകയായിരുന്നു. ശേഷം ദൃശ്യങ്ങളിലൂടെ പിന്നിലുണ്ടായിരുന്ന കാറിൽ ലോറി ഇടിച്ചിട്ടും ഡ്രൈവർ വിവരം അറിഞ്ഞില്ലെന്നാണ് വ്യക്തമാകുന്നത്.

കുറെ പ്രാവിശ്യം കാർ ഡ്രൈവർ നിർത്താതെ ഹോൺ അടിച്ചിട്ടും ലോറി ഡ്രൈവർ കാര്യം അറിഞ്ഞില്ല. പിന്നീട് മറ്റ് വാഹനങ്ങളിൽ നിന്നുള്ളവർ ശബ്ദം വെച്ചതിനാലാണ് ലോറി ഡ്രൈവർ ഇക്കാര്യം അറിയിക്കുന്നത്. കാറിനെ മീറ്ററുകളോളം തള്ളിനീക്കിയതിന് ശേഷമാണ് ലോറി നിന്നത്. സംഭവത്തിൽ ആർക്കും പരിക്കുകളില്ല. എന്നാൽ അപകടത്തിൽ കാറിന് കേടുപാടുണ്ടായിട്ടുണ്ട്. അതേസമയം സംഭവത്തിൽ കാർ ഡ്രൈവർ പോലീസിൽ പരാതി നൽകിയിട്ടുണ്ട്.