കർണാടകയിൽ മിനിബസ് ലോറിയിൽ ഇടിച്ചു 13 തീർഥാടകർ മരിച്ചു

ബെംഗളൂരു: കർണാടക ഹവേരി ബ്യാഗാഡിയിൽ മിനിബസ് ലോറിയിൽ ഇടിച്ചു 13 മരണം. നിരവധിപ്പേർക്ക് പരുക്കേറ്റു. ശിവമൊഗയിൽ നിന്ന് ബെളഗാവി യെല്ലമ്മ ക്ഷേത്രത്തിൽ ദർശനം കഴിഞ്ഞു മടങ്ങുകയായിരുന്ന തീർഥാടകരാണ് അപകടത്തിൽപ്പെട്ടത്.

ഇന്ന് പുലർച്ചെയോടെയാണ് അപകടമുണ്ടായത്. ബസ് ഡ്രൈവർ ഉറങ്ങിപ്പോയതാണ് അപകടകാരണമെന്നാണ് പ്രാഥമിക നിഗമനം. പരുക്കേറ്റവരിൽ പലരുടെയും നില ഗുരുതരമാണെന്നു പൊലീസ് അറിയിച്ചു.