സുരേഷ്‌ഗോപിയുടെ സംഭാഷണം അശ്ലീലഭാഷയില്‍ പ്രചരിപ്പിച്ച വിദ്യാര്‍ഥി അറസ്റ്റില്‍.

ചേര്‍പ്പ് : കേന്ദ്രമന്ത്രി സുരേഷ്‌ഗോപിയുടെ സംഭാഷണം അശ്ലീലഭാഷയില്‍ പ്രചരിപ്പിച്ച വിദ്യാര്‍ഥി അറസ്റ്റില്‍.സുരേഷ്‌ഗോപിയുടെ സംഭാഷണം അശ്ലീലഭാഷയില്‍ എഡിറ്റ് ചെയ്ത് പ്രചരിപ്പിച്ച വിദ്യാര്‍ഥിയാണ് അറസ്റ്റിലായത് . കാട്ടൂര്‍ കിഴുപ്പുള്ളിക്കര കല്ലായില്‍ ശ്യാം (23) ആണ് അറസ്റ്റിലായത്.ശ്യാം തൃശ്ശൂര്‍ കേരളവര്‍മ കോളേജില്‍ പി.ജി. വിദ്യാര്‍ഥിയാണ്.

ശ്യാം പീച്ചിയില്‍ വച്ച് സുരേഷ്‌ഗോപിക്ക് ബി.ജെ.പി. നല്‍കിയ സ്വീകരണത്തിനിടെ ബി.ജെ.പി. തൃശ്ശൂര്‍ ജില്ലാ ജനറല്‍ സെക്രട്ടറി കെ.ആര്‍. ഹരിയോട് നടത്തിയ സ്വകാര്യസംഭാഷണത്തിന്റെ വീഡിയോ അശ്ലീലഭാഷയില്‍ എഡിറ്റ് ചെയ്‌തു . തുടർന്ന് ശ്യാം ഈ വീഡിയോ ഇന്‍സ്റ്റഗ്രാം പേജില്‍ പങ്കുവെയ്ക്കുകയും ചെയ്‌തു . ഇതിനെതിരെ കെ.ആര്‍. ഹരി ചേര്‍പ്പ് പോലീസില്‍ നല്‍കിയ പരാതിയെത്തുടര്‍ന്ന് ശ്യാമിനെതിരെ പോലീസ് നടപടി എടുത്തത്.