കോൺഗ്രസ് നേതാവ് രാഹുൽ ഗാന്ധി പതിനെട്ടാം ലോക്സഭാംഗമായി സത്യ പ്രതിജ്ഞ ചെയ്തു

ന്യൂഡൽഹി: കോൺഗ്രസ് നേതാവ് രാഹുൽ ഗാന്ധി പതിനെട്ടാം ലോക്സഭാംഗമായി സത്യ പ്രതിജ്ഞ ചെയ്തു. രാഹുൽ ഗാന്ധി റായ്ബറേലി ലോക്സഭാ മണ്ഡലത്തിൽ നിന്നുള്ള എം.പിയായാണ് സത്യപ്രതിജ്ഞ ചെയ്തത്. ഭരണഘടന ഉയർത്തിപ്പിടിച്ച് സഭാംഗങ്ങളെ എല്ലാം കാണിച്ച ശേഷമായിരുന്നു രാഹുൽ സത്യപ്രതിജ്ഞ നടത്തിയത് .

സത്യപ്രതിജ്ഞയ്ക്കായി രാഹുൽ എത്തിയപ്പോൾ ‘ഭാരത് ജോഡോ’, ‘ഇന്ത്യ’ എന്ന വിളികളും കരഘോഷങ്ങളും ഉയർന്നു. ‘ജയ് ഹിന്ദ്, ജയ് സംവിധാൻ’ എന്ന് പറഞ്ഞായിരുന്നു അദ്ദേഹം സത്യപ്രതജ്ഞ അവസാനിപ്പിച്ചത്.

രാഹുൽ വയനാട്ടിൽ നിന്നും റായ്ബറേലിയിൽ നിന്നും വിജയിച്ച് വയനാട് ഉപേക്ഷിച്ച് ശേഷം റായ്ബറേലി നിലനിർത്തിയിരുന്നു.