ജാതിസെന്‍സസ് ആവശ്യമില്ലെന്ന് വ്യക്തമാക്കി ആര്‍.എസ്.എസ്

ജാതിസെന്‍സസിനോട് ബി.ജെ.പി.ക്ക് എതിര്‍പ്പില്ലെന്ന് കഴിഞ്ഞമാസം കേന്ദ്ര ആഭ്യന്തരമന്ത്രി അമിത്ഷാ പറഞ്ഞെങ്കിലും അതില്‍ നിന്നൊഴിഞ്ഞുമാറാനാണ് സാധ്യത. ജാതിസെന്‍സസ് ഇല്ലാതെതന്നെ പട്ടികജാതി-പിന്നാക്ക വിഭാഗക്കാര്‍ക്ക് പരിഗണന നല്‍കുന്ന ഫോര്‍മുലാ പരീക്ഷണം തിരഞ്ഞെടുപ്പുനടന്ന ഹിന്ദി ഹൃദയഭൂമിയിലെ സംസ്ഥാനങ്ങളിലടക്കം ബി.ജെ.പി. നടപ്പാക്കിയിട്ടുണ്ട്. ബിഹാറിലെ ജാതി സെന്‍സസിനെ അവിടത്തെ ഭരണ-പ്രതിപക്ഷ ഭേദമെന്യേ എല്ലാ കക്ഷികളും അനുകൂലിച്ചപ്പോള്‍ അതില്‍ ബി.ജെ.പി.യും ഉള്‍പ്പെട്ടിരുന്നു. ബി.ജെ.പി.യുടെ ഹിന്ദു ധ്രുവീകരണത്തില്‍ വിള്ളല്‍ വീഴ്ത്തുന്ന നീക്കമാണ് ജാതിസെന്‍സസ് പ്രചാരണായുധമാക്കുന്നതിലൂടെ ഇന്ത്യാ മുന്നണി നടത്തുന്നതെന്ന ആശങ്ക പാര്‍ട്ടി ക്യാമ്പുകളിലുയര്‍ന്നിരുന്നു.