ഗൃഹനാഥൻ ഭാര്യയ്ക്കെതിരെ കേസ് എടുത്തില്ലെന്ന പ്രതികാരത്തിൽ പൊലീസ് ജീപ്പുകളുടെ ഗ്ലാസ് അടിച്ചു തകർത്ത നിലയിൽ

കടയ്ക്കൽ : ഗൃഹനാഥൻ ഭാര്യയ്ക്കെതിരെ കേസ് എടുത്തില്ല എന്ന് പറഞ്ഞ് പൊലീസ് ജീപ്പുകളുടെ ഗ്ലാസ് അടിച്ചു തകർത്ത നിലയിൽ . ചിതറ പുതുശ്ശേരി ലളിത ഭവനിൽ ധർമദാസിനെയാണ് (52) പൊലീസ് അറസ്റ്റ് ചെയ്തത് . ഇന്നലെ രാവിലെയായായിരുന്നു സംഭവം. ഭാര്യ വസ്തു വിൽപന നടത്തിയ 3 ലക്ഷം രൂപ പോസ്റ്റ് ഓഫിസിൽ മക്കളുടെ പേരിൽ നിക്ഷേപിക്കുകയുണ്ടായി .എന്നാൽ, പണം തട്ടിയെടുത്തു എന്നാരോപിച്ചു ധർമദാസ് ചിതറ പൊലീസ് സ്റ്റേഷനിൽ പരാതി നൽകിയിരുന്നു . ഭാര്യക്കെതിരെ കേസെടുക്കണമെന്ന വാശിയിലായി ധർമദാസ് നിന്നിരുന്നത് . അതേസമയം പൊതുപ്രവർത്തകർ ഈ പ്രശ്നത്തിൽ ഇടപെട്ടിട്ടും പരിഹാരം ഉണ്ടായിരുന്നില്ല . ഇന്നലെ രാവിലെ ധർമദാസ്സ്റ്റേഷനിൽ എത്തിയ ശേഷം കയ്യിൽ കരുതിയിരുന്ന കമ്പി കൊണ്ടു പൊലീസ് ജീപ്പുകളുടെ ഗ്ലാസ് അടിച്ചു തകർക്കുകയായിരുന്നു. തുടർന്നു ബഹളം ഉണ്ടാക്കിയ ഇയാളെ പൊലീസ് അറസ്റ്റ് ചെയ്യുകയായിരുന്നു . ഇയാളെ കോടതിയിൽ ഹാജരാക്കി ശേഷം റിമാൻഡ് ചെയ്തു .