ഡ്യൂട്ടിക്കുശേഷം രാവിലെ വീട്ടിലേക്കെന്നുപറഞ്ഞ് പോയ എസ്.ഐയെ കാണാതായ സംഭവം :മാനസിക സമ്മർദം മൂലം മാറിനിന്നതാണെന്നാണ് എസ്.ഐയെയുടെ മൊഴി

കോട്ടയം: ഡ്യൂട്ടിക്കുശേഷം രാവിലെ വീട്ടിലേക്കെന്നുപറഞ്ഞ് പോയ എസ്.ഐയെ കാണാതായ സംഭവത്തിൽ മാനസിക സമ്മർദം മൂലം മാറിനിന്നതാണെന്നാണ് എസ്.ഐയെയുടെ മൊഴി .രണ്ടുദിവസമായി കാണാതായ കോട്ടയം വെസ്റ്റ് പോലീസ് സ്റ്റേഷനിലെ ഗ്രേഡ് എസ്.ഐ അയർക്കുന്നം നീറിക്കാട് കീഴാട്ട് കാലായിൽ കെ.രാജേഷാണ് തിരിച്ചെത്തിയത് . രാജേഷ് തിങ്കളാഴ്ച രാവിലെ കോട്ടയം വെസ്റ്റ് പൊലീസ് സ്റ്റേഷനിലാണ് മടങ്ങിയെത്തിയത്. കടുത്ത മാനസിക സമ്മർദം മൂലം മാറിനിന്നതാണെന്നാണ് രാജേഷ് മൊഴി നൽകിയിരിക്കുന്നത് .

വെള്ളിയാഴ്ച രാത്രി ഡ്യൂട്ടിക്കുശേഷം രാജേഷ് ശനിയാഴ്ച രാവിലെ വീട്ടിലേക്കെന്നുപറഞ്ഞ് കോട്ടയം വെസ്റ്റ് പോലീസ് സ്റ്റേഷനിൽനിന്ന് മടങ്ങിയതായിരുന്നു. തുടർന്ന് രാത്രി വൈകിയും വീട്ടിൽ എത്തതോടെ ഇദ്ദേഹത്തെ കാണാനിെല്ലന്ന് ബന്ധുക്കൾ അയർക്കുന്നം പോലീസിൽ പരാതി നൽകിയിരുന്നു.

ശനിയാഴ്ച രാവിലെ ജോലികഴിഞ്ഞിറങ്ങിയ എസ്.ഐ. കാറിൽ പോകുകയായിരുന്നു. ശേഷം ഇയാൾ മൊബൈൽ ഫോൺ ഓഫാക്കിയിരിക്കുന്നതിനാൽ ടവർ പിന്തുടർന്ന് അന്വേഷണo നടത്താൻ സാധിച്ചിരുന്നില്ല .

ചികിത്സയിൽ തുടരുന്ന അമ്മയെ ആശുപത്രിയിൽ കൊണ്ടുപോകുന്നതിനും മറ്റും ഇടയ്ക്ക് അവധി ആവശ്യമായിരുന്നു. എന്നാൽ അതേസമയം തിരഞ്ഞെടുപ്പ് ജോലികളുമായി ബന്ധപ്പെട്ട് അവധി ലഭിച്ചിരുന്നിലായിരുന്നു . എസ്.ഐ. വോട്ടെണ്ണലിനുശേഷം 15 ദിവസത്തെ അവധി ആവശ്യപ്പെട്ട് മേലധികാരിക്ക് അപേക്ഷ നൽകിയിരുന്നു. അധികൃതർ അവധി നിരസിച്ചു . ഇതേത്തുടർന്ന് ഇദ്ദേഹം ദിവസങ്ങളോളം മാനസിക സംഘർഷത്തിലായിരുന്നുവെന്നാണ് വിവരം. എന്നാൽ ഇതുസംബന്ധിച്ച വിശദീകരണം തരാൻ അധികൃതർ തയ്യാറായിട്ടില്ല.