മതിൽ ഇടിഞ്ഞുവീണ് അപകടം; വിദ്യാർഥി അത്ഭുതകരമായി രക്ഷപ്പെട്ടു

കോഴിക്കോട്: മതിൽ ഇടിഞ്ഞുവീണ് ഉണ്ടായ അപകടത്തിൽ വിദ്യാർഥി അത്ഭുതകരമായി രക്ഷപ്പെട്ടു. വടകര കുട്ടോത്ത് വച്ച് ഉണ്ടായ കനത്ത മഴയിൽ മതിൽ തകർന്നുവീണുണ്ടായ അപകടത്തിലാണ് വിദ്യാർഥി രക്ഷപ്പെട്ടത്. മേമുണ്ട ഹയർ സെക്കൻഡറി സ്കൂൾ റിഷാലാണ് രക്ഷപ്പെട്ടത്. റിഷ അപകടത്തിൽ പെടുന്ന സിസിടിവി ദൃശ്യങ്ങൾ പുറത്തുവന്നിട്ടുണ്ട് .

കുട്ടോത്ത്സ്വദേശി ശാരദയുടെ ഉടമസ്ഥതയിലുള്ള മതിലാണ് തകർന്നു വീണത്. അതേസമയം അതിലൂടെ പോയ റിഷാൽ പോയതിന് ശേഷം നിമിഷം നേരം കൊണ്ട് മതിൽ തകർന്നു വീഴുകയായിരുന്നു. വൻ ശബ്ദം കേട്ട് തിരിഞ്ഞ് നോക്കിയപ്പോൾ മതിൽ തകന്ന് വീഴുന്നതാണ് റിഷാൽ കണ്ടത്.