മോശം കാലാവസ്ഥ; രാഹുല്‍ ഗാന്ധി സഞ്ചരിച്ച വിമാനം വഴിതിരിച്ചുവിട്ടു

ന്യൂഡല്‍ഹി: മോശം കാലാവസ്ഥയെ തുടർന്ന് രാഹുല്‍ ഗാന്ധി സഞ്ചരിച്ച വിമാനം വഴിതിരിച്ചുവിട്ടു.

വ്യാഴാഴ്ച രാത്രി നാഗ്പൂരില്‍ നിന്ന് ഡല്‍ഹിയിലേക്ക് വരികയായിരുന്ന വിമാനമാണ് ജയ്പൂരിലേക്ക് തിരിച്ചുവിട്ടത്. ഡല്‍ഹി വിമാനത്താവളത്തിലെ വളരെ കുറഞ്ഞ ദൃശ്യപരിധിയാണ് വിമാനം തിരിച്ചുവിടാന്‍ കാരണം.

രാജ്യതലസ്ഥാനത്ത് ദിവസങ്ങളായി കനത്ത മൂടല്‍ മഞ്ഞാണ് . നൂറോളം ആഭ്യന്തര-അന്താരാഷ്ട്ര വിമാനസര്‍വ്വീസുകളാണ് വൈകുന്നത്. ചില വിമാന സര്‍വ്വീസുകള്‍ റദ്ദാക്കാനും സാധ്യതയുണ്ട് .