കുറുമ്പ റോഡ് തകര്‍ച്ചഭീഷണിയില്‍; എട്ട് ഊരുകള്‍ ആശങ്കയിൽ

അഗളി : കുറുമ്പ റോഡ് തകര്‍ച്ചഭീഷണിയില്‍ തുടരുന്ന സാഹചര്യത്തിൽ എട്ട് ഊരുകള്‍ ആശങ്കയിൽ. അതുകൂടാതെ വൈദ്യുതിയും മൊബൈലിന് റെയ്ഞ്ചുമെത്തിയെങ്കിലും റോഡ് ഏത് നിമിഷവും തകരുമെന്ന നിലയിലാണ് . ചിണ്ടക്കി മുതല്‍ ആനവായ് വരെയുള്ള 10 കിലോമീറ്റര്‍ ഇന്റര്‍ലോക്ക് പതിച്ച റോഡാണ് നിലവിൽ അപകടഭീഷണി തുടരുന്നത് . കെ.എസ്.ഇ.ബിയും ബി.എസ്.എന്‍.എല്ലും ഭൂഗര്‍ഭ കേബിളുപയോഗിച്ചാണ് പ്രാക്തന ഗോത്രവര്‍ഗ ഊരുകളിലേക്ക് വൈദ്യുതിയും മൊബൈലിന് റെയ്ഞ്ചുമെത്തിക്കുന്നത് . കേബിളുകള്‍ക്കായി റോഡിനിരുവശവും കുഴികളെടുത്തിരുന്നു പിന്നീട് ഇത് . പൂര്‍വസ്ഥിതിയില്‍ ആക്കിയിട്ടുണ്ടെങ്കിലും മണ്ണ് ഉറയ്ക്കാത്തതിനാല്‍ മഴയില്‍ റോഡിന്റെ അരികുകള്‍ ഇടിഞ്ഞുപോയി. അപ്പോൾ ഈ റോഡ് തകര്‍ന്നാല്‍ തടിക്കുണ്ട്, ആനവായ്, കടുകുമണ്ണ, താഴെ തുടുക്കി, മേലെ തുടുക്കി, ഗലസി, മുരുഗള, കിണറ്റുക്കര എന്നീ ഒറ്റപ്പെടും .

ചില ഭാഗങ്ങളില്‍ മണ്ണ് ഒഴുകിപ്പോയ സഥലത്ത് ഗര്‍ത്തങ്ങള്‍ രൂപപ്പെട്ടിട്ടുണ്ട്. നിലവില്‍ ഇന്റര്‍ലോക്ക് പതിച്ച റോഡ് ആനവായ് ഫോറസ്റ്റ് ക്യാമ്പ് ഓഫീസുവരെ മാത്രമാണുള്ളത്. വനത്തിലൂടെ ഇതിനുശേഷംകാല്‍നടയായി വേണം ഊരുകളിലേക്ക് എത്താന്‍.

ഏഴ് കിലോമീറ്റര്‍ നടന്നാണ് ഗലസി ഊരില്‍നിന്ന് ഗതാഗതസൗകര്യമുള്ള സ്ഥലത്തെത്താന്‍. എന്തെങ്കിലും ആവശ്യം വന്നാൽ രോഗികളെ ആശുപത്രിയില്‍ എത്തിക്കണമെങ്കില്‍ തുണിമഞ്ചലില്‍ ചുമന്നാണ് ആനവായ് റോഡുവരെ എത്തിക്കുന്നത്. മേലെ തുടുക്കി, താഴെ തുടുക്കി, കടുകുമണ്ണ, കിണറ്റുക്കര, മുരുഗള എന്നീ ഊരുകളിലെ രോഗികള്‍ക്കും സമാനസ്ഥിതിയാണ്. അതുകൊണ്ട് നിലവിലുള്ള റോഡ് അറ്റകുറ്റപ്പണി ചെയ്ത് ബലപ്പെടുത്തണം എന്നാണ് ഊരുനിവാസികളുടെ ആവശ്യം