തീയേറ്റര്‍ പരിസരത്ത് യുവാവിനെ മരിച്ച നിലയില്‍ കണ്ടെത്തി

പത്തനംതിട്ട: തീയേറ്റര്‍ ജീവനക്കാരനെ പരിസരത്ത് മരിച്ച നിലയില്‍ കണ്ടെത്തി. തിയേറ്ററിലെ അപ്രന്റീസ് പ്രൊജക്ടര്‍ ഓപ്പറേറ്റര്‍ ജീവനക്കാരനായ കൊല്ലം കൊട്ടാരക്കര നെല്ലിക്കുഴി സ്വദേശി ഭരത് ജ്യോതി (21)യെയാണ് മരിച്ച നിലയിൽ കണ്ടെത്തിയത് . ഇയാൾ തിയേറ്റര്‍ കെട്ടിടത്തിന്റെ താഴെ വീണ് മരിച്ചെന്നാണ് പോലീസിന്റെ പ്രാഥമിക നിഗമനം. ബുധനാഴ്ച്ച രാത്രി 12 മണിയോടെയാണ് അപകടം നടന്നിരിക്കുന്നത് എന്നാണ് ലഭിക്കുന്ന വിവരം.

ഒരു മാസം മുന്‍പാണ് ഭരത് ജോലിയില്‍ പ്രവേശിച്ചത്. അവിടെ
സെക്യൂരിറ്റി ജീവനക്കാരനായി ജോലിചെയ്യുന്നയാൾ തിയേറ്ററിലെ കെട്ടിടത്തിലെ ശൗചാലയത്തിന് സമീപം വീണുകിടക്കുന്ന നിലയിലാണ് ഭരതിനെ ആദ്യം കണ്ടത്. തുടര്‍ന്ന് ഇയാൾ മറ്റുള്ളവരെ വിവരമറിക്കുകയും , ഇയാളെ ഉടന്‍ പത്തനംതിട്ട ജനറല്‍ ആശുപത്രിയിലേക്ക് കൊണ്ടുപോയി . പക്ഷെ ജീവന്‍ രക്ഷിക്കാനായില്ല. ഇയാളുടെ മൃതദേഹം പോസ്റ്റ്മോര്‍ട്ടത്തിനായി ചെങ്ങന്നൂര്‍ താലൂക്ക് ആശുപത്രിയിലേക്ക് മാറ്റിയിട്ടുണ്ട് .