കാലിക്കറ്റ് സര്‍വകലാശാലാ അക്കാമദിക് കൗണ്‍സില്‍ തിരഞ്ഞെടുപ്പ്; ഫലം വന്നു ;എംഎസ്എഫ് വിജയിച്ചു

കോഴിക്കോട്: ഫലം വന്നു ,കാലിക്കറ്റ് സര്‍വകലാശാലാ അക്കാമദിക് കൗണ്‍സില്‍ തിരഞ്ഞെടുപ്പില്‍ എംഎസ്എഫിന് വിജയം . ആദ്യമായിട്ടാണ് എംഎസ്എഫ് പ്രതിനിധി അക്കാദമിക് കൗണ്‍സിലിലേക്ക് തിരഞ്ഞെടുക്കപ്പെടുന്നത്. അസിം തെന്നലയാണ് വിജയിച്ചത്. 16 വോട്ടിനാണ് എംഎസ്എഫിന് വിജയം ലഭിച്ചത്.

കനത്ത സുരക്ഷയിലായിരുന്നു ഇന്ന് വോട്ടെണ്ണല്‍ നടത്തിയത് . കഴിഞ്ഞാഴ്ച വ്യാഴാഴ്ച രാത്രി ലാംഗ്വേജ് ആന്റ് ലിറ്ററേച്ചര്‍ ഫാക്കല്‍റ്റി വിദ്യാര്‍ത്ഥി മണ്ഡലത്തില്‍ നടത്തിയ വോട്ടെണ്ണലില്‍ എം എസ് എഫ് സ്ഥാനാര്‍ത്ഥിയായ അസിം തെന്നലക്കായിരുന്നു കൂടുതല്‍ വോട്ടുകള്‍ ലഭിച്ചത് . എന്നാല്‍ എസ് എഫ് ഐ എതിർപ്പ് പ്രകടിപ്പിച്ചപ്പോൾ റീ കൗണ്ടിംഗ് നടത്താന്‍ തീരുമാനിക്കുകയായിരുന്നു. തുടർന്ന് റീകൗണ്ടിംഗിനിടെ ഉണ്ടായ തര്‍ക്കം സംഘര്‍ഷത്തിലേക്ക് പോയപ്പോൾ വോട്ടെണ്ണല്‍ നിര്‍ത്തിവെക്കുകയായിരുന്നു.