കനത്ത മഴയിൽ വീട് തകർന്നു; ഒരാൾക്കു പരുക്കേറ്റു

കൊല്ലം ∙കനത്ത മഴയിൽ വീട് തകർന്നതിന് പിന്നാലെ ഒരാൾക്കു പരുക്കേറ്റു.കോർപറേഷൻ കടപ്പാക്കട ഡിവിഷനിൽ ഇടയിലഴികം പുരയിടത്തിൽ ഉമയുടെ വീടാണു കനത്ത മഴയെ തുടർന്ന് തകർന്നത്. അപകടത്തിൽ മകൻ വി.വിജീഷ്‌കുമാറിനാണ് പരുക്കേറ്റത്. ഇന്നലെ പുലർച്ചെ നാലോടെയായിരുന്നു സംഭവം നടന്നത് .ഉമയും ഭർത്താവ് വെങ്കിടേഷും ചെന്നൈയിലായതിനാൽ വിജീഷ്‌കുമാർ വീട്ടിൽ തനിച്ചായിരുന്നു . ആ സമയത്ത് ഉണ്ടായ മഴയിൽ മേൽക്കൂര പൂർണമായും നിലംപൊത്തുകയും . ഭിത്തികളും ഇടിഞ്ഞ് മുറിയിൽ കിടന്ന് ഉറങ്ങുകയായിരുന്ന വിജീഷ് കുമാറിന്റെ മുകളിലേക്ക് ഓടുകൾ വന്ന് വീഴുകയായിരുന്നു . ഉടൻ പുറത്ത് ഇറങ്ങിയതിനാൽ അപകടം ഒഴിവായി . പരുക്കേറ്റ വിജീഷ്‌കുമാർ ആശുപത്രിയിൽ ചികിത്സയിലാണ് .