കനത്ത മഴ : വിഷ്ണുമംഗലം പുഴയിലെ ബണ്ട് ഷട്ടറുകൾ ഇന്നു തുറന്നേക്കും

നാദാപുരം: അതിശക്തമായ മഴയെ തുടർന്ന് വിഷ്ണുമംഗലം പുഴയിലെ വെള്ളം ഉയർന്നു. അതിനാൽ ജല അതോറിറ്റിയുടെ ബണ്ടിന്റെ ഷട്ടറുകൾ ഇന്ന് 7 നു തുറക്കും. പുഴയിൽ വെള്ളം കൂടിയതോടെ ബണ്ട് കവിഞ്ഞൊഴുകുകയും ചെയ്യുന്ന വാർത്ത മനോരമ യിൽ വന്നിരുന്നു . ഷട്ടറുകൾ തുറക്കുന്നതിന്റെ സാഹചര്യത്തിൽ ബണ്ടിന്റെ താഴ്ഭാഗത്തുള്ളവർ ജാഗ്രത പാലിക്കണം എന്നും ജല അതോറിറ്റി നിർദേശിച്ചിട്ടുണ്ട്. വിഷ്ണുമംഗലം, ജാതിയേരി, ചെറുമോത്ത് ഭാഗങ്ങളിൽ പുഴയിൽ വെള്ളം കൂടിയതിനെ തുടർന്നാണ് ഷട്ടറുകൾ തുറക്കാൻ തീരുമാനിച്ചത് .