അരിയിൽ വിഷ വസ്തു: റിപ്പോർട്ട് തേടി ദേശീയ ഹരിത ട്രൈബ്യൂണൽ

ന്യൂഡൽഹി: അരിയടക്കമുള്ള ഭക്ഷ്യവസ്തുക്കളിൽ വിഷ വസ്തുവായ ആഴ്സനിക്കിന്റെ സാന്നിധ്യം കണ്ടെത്തിയത് സംബന്ധിച്ച് ദേശീയ ഹരിത ട്രൈബ്യൂണൽ (എൻജിടി) കേന്ദ്ര കൃഷി, പരിസ്ഥിതി മന്ത്രാലയങ്ങളിൽ നിന്നും കേന്ദ്ര മലിനീകരണ നിയന്ത്രണ ബോർഡിൽ നിന്നും പ്രതികരണം തേടി.

ഒരു ഇംഗ്ലിഷ് മാധ്യമത്തിൽ പ്രസിദ്ധീകരിച്ച വാർത്തയെ തുടർന്നാണു എൻജിടി സ്വമേധയാ കേസെടുത്തത്. കീടനാശിനികളുടെയും മറ്റും നിയന്ത്രണമില്ലാത്ത ഉപയോഗം മൂലം അരിയിൽ ആഴ്സനിക്കിന്റെ സാന്നിധ്യമുണ്ടാകാമെന്നായിരുന്നു വാർത്ത.‌ സെപ്റ്റംബർ രണ്ടിനു കേസ് വീണ്ടും പരിഗണിക്കും.