എംഡിഎംഎയുമായി യുവാവ് പോലീസ് പിടിയിൽ

കൊട്ടാരക്കര : എംഡിഎംഎയുമായി യുവാക്കൾക്ക് വിതരണം ചെയ്യാൻ വേണ്ടി ബൈക്കിൽ എത്തിയാൾ എക്സൈസ് പോലീസിന്റെ പിടിയിലായി .കൊല്ലം കടപ്പാക്കട ചന്ദ്രാലയത്തിൽ ആശിഷ്കുമാർ(35) ആണ് അഞ്ച് ഗ്രാം എംഡിഎംഎയുമായി നെടുവത്തൂർ നാടല്ലൂരിന് സമീപത്ത് വച്ച് പോലീസിന്റെ പിടിയിലായത്. ഇയാളെ കോടതിയിൽ ഹാജരാക്കിയതിന് ശേഷം റിമാൻഡ് ചെയ്യുകയായിരുന്നു.

കൊട്ടാരക്കര എക്സൈസ് റേഞ്ച് ഇൻസ്പെക്ടർ ബി.ദീപകിന്റെ നേതൃത്വത്തിലായിരുന്നു പരിശോധന. റെയ്ഡിൽ അസി.എക്സൈസ് ഇൻസ്പെക്ടർമാരായ എ.ഷിലു,എം.എസ്.ഗിരീഷ്, സിവിൽ എക്സൈസ് ഓഫിസർമാരായ രാകേഷ്, രാഹുൽ, ജ്യോതി,വിഷ്ണു, ബാലു, ജിനു, അർച്ചന മുബീൻ എന്നിവർ പങ്കെടുത്തിരുന്നു ..