കണ്ണൂരില്‍ ബൈക്കും ടിപ്പര്‍ ലോറിയും കൂട്ടിയിടിച്ച് അപകടം : യുവാവ്‌ മരിച്ചു

കണ്ണൂര്‍: കണ്ണൂര്‍ താഴെ ചൊവ്വയില്‍ ബൈക്കും ലോറിയും കൂട്ടിയിടിച്ച് ഉണ്ടായ അപകടത്തിൽ ബൈക്ക് യാത്രികൻ മരിച്ചു . ചാലാട് പന്നേന്‍ പാറയിലെ ചെറുമണലില്‍ ഹൗസിലെ സബിന്‍ മോഹന്‍ദാസ്(41) ആണ് അപകടത്തിൽ മരിച്ചത്. ഇന്ന് രാവിലെ ഏഴോടെ ചൊവ്വ റെയില്‍വേ ഗെയിറ്റിന് സമീപത്തുള്ള ദേശീയപാതയിലാണ് അപകടം ഉണ്ടായത് . തോട്ടടയില്‍ കൊറിയര്‍ സ്ഥാപനത്തിലെ ജീവനക്കാരനായ സബിന്‍ ജോലിക്കു പോകുന്നതിനിടെയാണ് അപകടത്തില്‍പ്പെട്ടത്.

തലശേരി ഭാഗത്തു നിന്നും കണ്ണൂര്‍ ഭാഗത്തേക്ക് വരികയായിരുന്ന ടിപ്പര്‍ ലോറി സബിന്‍ സഞ്ചരിച്ച ബൈക്കുമായി കൂട്ടിയിടിച്ചാണ് അപകടം ഉണ്ടായത് . അപകടത്തിൽ ഗുരുതരമായി പരിക്കേറ്റ സബിനെ ചാലയിലെ സ്വകാര്യ ആശുപത്രിയില്‍ പ്രവേശിച്ചെങ്കിലും മരിച്ചിരുന്നു . അമിത വേഗതയിലാണ് ലോറി സഞ്ചരിച്ചതെന്നാണ് നാട്ടുകാര്‍ പറഞ്ഞു. അപകടത്തെത്തുടര്‍ന്ന് ഗതാഗതം സ്തംഭിച്ചിരുന്നു . പന്നേന്‍പാറയിലെ മോഹന്‍ ദാസ്- വല്‍സല ദമ്പതികളുടെ ഏക മകനാണ് സബിന്‍. ഭാര്യ: റിജിന. മകള്‍: നക്ഷത്ര.