കൊയിലാണ്ടിയില്‍ അധ്യാപക പരിശീലനത്തിനിടെയിൽ ക്ലാസ് റൂമിൽ ടൈല്‍ പൊട്ടിത്തെറിച്ചു

കോഴിക്കോട്: കൊയിലാണ്ടിയില്‍ ക്ലാസ് മുറിയുടെ നിലത്ത് പതിച്ച ടൈലുകൾ പൊട്ടിത്തെറിച്ചു. കോഴിക്കോട് ജില്ലയിലെ ഗവ. വൊക്കേഷണൽ ഹയർസെക്കൻഡറി സ്കൂളിലാണ് ടൈലുകൾ പൊട്ടിത്തെറിച്ചത് .

അധ്യാപകർക്കുള്ള ക്ലാസ് നടന്നുകൊണ്ടിരിക്കുമ്പോളായിരുന്നു ടൈലുകൾ പൊട്ടിത്തെറിച്ചത്. അധ്യാപകർ ക്ലാസിൽനിന്ന് പെട്ടെന്ന് തന്നെ പുറത്തേക്ക് ഓടിയതിനാൽ അപകടം ഒന്നും സംഭവിക്കാതെ രക്ഷപ്പെട്ടു . കടുത്ത ചൂട് കൊണ്ട് വികസിച്ചതാണ് ടൈലുകൾ പൊട്ടാൻ കാരണമെന്നാണ് സംശയിക്കുന്നത് .