17കാരിയുടെ പോക്സോ കേസ് : അതിജീവിത ദുരൂഹസാഹചര്യത്തിൽ മരിച്ചു , മരണം കൊലപാതകമെന്ന സംശയത്തിൽ പോലീസ്

ഇരട്ടയാർ : പോക്സോ കേസിലെ അതിജീവിത ദുരൂഹസാഹചര്യത്തിൽ മരിച്ച നിലയിൽ .ഇടുക്കി ഇരട്ടയാറിലായിരുന്നു സംഭവം . കഴുത്തിൽ ബെൽറ്റിട്ട് മുറുക്കിയ നിലയിലാണ് മൃതദേഹം ഉണ്ടായിരുന്നത് .
മരണം കൊലപാതകമെന്നാണ് പോലീസ് സംശയിക്കുന്നത്.

ഇന്നു രാവിലെ 11 മണിക്കായിരുന്നു പതിനേഴുകാരിയായ അതിജീവിതയെ വീട്ടിനുള്ളിൽ മരിച്ച നിലയിൽ കാണപ്പെട്ടത് . പെൺകുട്ടിയുടെ മൃതദേഹം അമ്മയാണ് ആദ്യം കണ്ടത്. തുടർന്ന് കട്ടപ്പന പൊലീസിൽ വിവരമറിയിച്ചതിനെ തുടർന്ന് പോലീസ് സ്ഥലത്തെത്തി നടപടികൾ ആരംഭിച്ചു .

രണ്ടു വർഷം മുൻപാണ് പെൺകുട്ടിയെ ലൈംഗിക പീഡനത്തിന് ഇരയാക്കിയത് . കേസുമായി ബന്ധപ്പെട്ട് അന്വേഷണം തുടങ്ങിയ സമയത്തായിരുന്നു പെണ്കുട്ടിയുടെ മരണം