എസി പൊട്ടിത്തെറിച്ച് വീടിന് നാശനഷ്ടം

ശാസ്താംകോട്ട : എസി പൊട്ടിത്തെറിച്ചുണ്ടായ അപകടത്തിൽ വീടിനു തീപിടിച്ചു. പോരുവഴി ഇടയ്ക്കാട് വടക്ക് പള്ളിപറമ്പിൽ ഡെന്നിസ് സാമിന്റെ വീട്ടിലാണ് കഴിഞ്ഞ ദിവസം രാത്രി 9 അപകടം ഉണ്ടായത് .
കിടപ്പുമുറിയിലെ എസിയിൽ നിന്നു കിടക്കയിലേക്കു തീ പടർന്നുപിടിക്കുകയായിരുന്നു . തുടർന്ന് ജനൽ ചില്ലുകൾ പൊട്ടിത്തെറിച്ചു. വീടിനുള്ളിലാകെ തീയും പുകയും കൊണ്ട് നിറഞ്ഞു. വീട്ടുകാർ പുറത്തുപോയിരുന്നതിനാൽ വൻ ദുരന്തം ഒഴിവായി . പിന്നീട് നാട്ടുകാരും അഗ്നിരക്ഷാസേനയും ചേർന്നാണ് തീയണച്ചത്. ലക്ഷങ്ങളുടെ നഷ്ടമാണു അപകടത്തിലൂടെ സംഭവിച്ചത് . പിന്നീട് സമീപത്തെ വൈദ്യുത പോസ്റ്റിൽ നിന്നു തീ വരുന്നതായി കണ്ടതായി നാട്ടുകാർ പറയുന്നത് .