പാചകത്തിനിടെ ഗ്യാസ് സ്റ്റൗ പൊട്ടിത്തെറിച്ചു ,വൻ ദുരന്തം ഒഴിവായി

മണ്ണാർക്കാട് : പാചകത്തിനിടെ ഗ്യാസ് സ്റ്റൗ പൊട്ടിത്തെറിച്ചു .കുമരംപുത്തൂർ പള്ളിക്കുന്നിൽ ശനിയാഴ്ച രാവിലെ11 .30 നായിരുന്നു സംഭവം അപകടത്തിൽ ആർക്കും പരിക്കില്ല .പള്ളിക്കുന്ന് ജംക്‌ഷനിലെ ചുങ്കത്ത് മുഹമ്മദ് മുല്ലയുടെ വീട്ടിലായിരിന്നു സംഭവം .വീട്ടുകാരി സഫിയ കറി പാകം ചെയ്യുന്നതിനിടെയാണു സ്റ്റൗവിനു മുകളിലെ ഗ്ലാസ് ഭാഗം വലിയ ശബ്ദത്തോടെ പൊട്ടിത്തെറിച്ചത് .ശബ്ദം കേട്ടതോടെ ഭയന്ന സഫിയ അടുക്കളയിൽ നിന്നു പുറത്തേക്ക് ഓടി. ഗ്യാസ് സിലിണ്ടറിൽ നിന്നു സ്റ്റൗവിലേക്കു കണക്ട് ചെയ്യുന്ന കുഴലിന്റെ ഭാഗം ഉരുകിയ നിലയിലാണ്. അതേസമയം ഗ്യാസ് ചേരാതിരുന്നതിനാൽ അപകടം ഒഴിവായി .